सांगली : सांगली–मिरज–कुपवाड शहर महानगरपालिकेच्या सार्वत्रिक निवडणुकीच्या पार्श्वभूमीवर आदर्श आचारसंहितेची कडक अंमलबजावणी सुरू असून नियमभंग करणाऱ्यांविरोधात प्रशासनाकडून कठोर कारवाई करण्यात येत आहे. महानगरपालिका प्रशासनाकडून मिळालेल्या अधिकृत माहितीनुसार, विनापरवाना मोटारसायकल रॅली काढणे तसेच सार्वजनिक मालमत्तेचे विद्रूपीकरण केल्याप्रकरणी संबंधित पोलीस ठाण्यांत गुन्हे दाखल करण्यात आले आहेत.
निवडणूक काळात कार्यरत असलेल्या आचारसंहिता कक्षाकडे आतापर्यंत एकूण सहा तक्रारी प्राप्त झाल्या असून, त्यापैकी दोन प्रकरणांमध्ये फौजदारी कारवाई करण्यात आली आहे. उर्वरित चार तक्रारींचा तपास करून त्यांचा निपटारा करण्यात आल्याची माहिती प्रशासनाने दिली आहे.
दरम्यान, कायदा व सुव्यवस्था अबाधित ठेवण्यासाठी शहरात प्रतिबंधात्मक उपाययोजना राबवण्यात येत असून, आतापर्यंत १५९ प्रतिबंधात्मक कारवाया करण्यात आल्याचे सांगण्यात आले आहे. याच कालावधीत २७.६५ लिटर अवैध मद्य जप्त करण्यात आले असून, दोन कोयते देखील पोलिसांकडून ताब्यात घेण्यात आले आहेत.
निवडणूक प्रक्रियेदरम्यान कोणताही अनुचित प्रकार घडू नये यासाठी प्रशासन सतर्क असून, लोकप्रतिनिधीत्व अधिनियमातील नियमांचे काटेकोर पालन करण्याबाबत प्रेस मालक व संबंधित घटकांना सक्त ताकीद देण्यात आली आहे. निवडणूक काळात आचारसंहिता भंग करणाऱ्यांवर पुढेही कठोर कारवाई सुरूच राहणार असल्याचे प्रशासनाकडून स्पष्ट करण्यात आले आहे.
हेही वाचा: महाविकास आघाडीचे जागावाटप अंतिम टप्प्यात; मिरजेत मैत्रीपूर्ण लढत, सांगली-कुपवाडमध्ये नकार.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
