सांगली : गेल्या दोन दिवसांपासून सांगली–मिरज–कुपवाड शहर महानगरपालिका निवडणुकीच्या पार्श्वभूमीवर महाविकास आघाडीच्या नेत्यांच्या बैठका सुरू असून, जागावाटपाबाबतची चर्चा अंतिम टप्प्यात पोहोचल्याचे संकेत मिळत आहेत. काँग्रेस आणि राष्ट्रवादी काँग्रेस (शरदचंद्र पवार पक्ष) यांनी जिंकण्याची क्षमता असलेल्या उमेदवारांवर लक्ष केंद्रित करत प्रभागनिहाय चर्चा केल्याची माहिती सूत्रांकडून मिळत आहे.
या पार्श्वभूमीवर मंत्री मकरंद पाटील हे सांगलीत मुक्काम ठोकून असून, माजी मंत्री जयंत पाटील, खासदार विशाल पाटील आणि आमदार विश्वजीत कदम यांच्याशी सलग चर्चा सुरू असल्याचे समजते. महाविकास आघाडी आणि राष्ट्रवादी काँग्रेस (अजित पवार गट) यांच्यात सध्या कोणतीही अधिकृत आघाडी नसल्याचे स्पष्ट करण्यात आले आहे.
सूत्रांच्या माहितीनुसार, काँग्रेसने सुमारे ३५ जागांवर, तर राष्ट्रवादी काँग्रेस (शरदचंद्र पवार पक्ष) ने ३० जागांवर आपली भूमिका निश्चित केली असून, १७ ते १८ जागांवर अद्याप निर्णय प्रलंबित आहे. इच्छुक उमेदवारांना अर्ज दाखल करण्याचे निर्देश देण्यात आले असून, एबी फॉर्म लवकरच देण्यात येण्याची शक्यता वर्तवली जात आहे.
दरम्यान, मिरज शहरात मैत्रीपूर्ण लढतीचा विचार केला जात असला, तरी सांगली आणि कुपवाड भागात मैत्रीपूर्ण लढतीस नकार देण्यात आल्याची माहिती सूत्रांकडून समोर आली आहे. त्यामुळे या दोन्ही भागांत थेट लढती होण्याची शक्यता अधिक असल्याचे राजकीय वर्तुळात बोलले जात आहे.
महानगरपालिका निवडणुकीसाठी अर्ज प्रक्रियेला वेग आलेला असून, पुढील एक-दोन दिवसांत महाविकास आघाडीतील जागावाटपाचे चित्र अधिक स्पष्ट होण्याची शक्यता आहे. मात्र, यासंदर्भात अद्याप कोणतीही अधिकृत घोषणा करण्यात आलेली नाही.
हेही वाचा: सांगलीत भाजपविरोधात धारकऱ्यांचे बंड; उमेदवारीत डावलल्याने अपक्ष लढण्याचा पवित्रा.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
