सांगली : सांगली–मिरज–कुपवाड महानगरपालिकेच्या प्रभाग क्रमांक 9 मध्ये सांगली रेल्वे स्थानकासमोर नाल्याचे दूषित पाणी तुंबून राहिल्याने परिसरातील नागरिकांना मोठ्या प्रमाणावर त्रास सहन करावा लागत आहे.
रेल्वे स्थानकासमोर असणाऱ्या म्हसोबा मंदिराशेजारी नाल्यामधून आलेले साचून राहिलेले घाण पाणी, प्लास्टिक कचरा व सेंद्रिय कचऱ्यामुळे परिसरात तीव्र दुर्गंधी पसरत असून, डासांचे प्रमाणही वाढल्याचे स्थानिकांनी सांगितले. नाल्याच्या समोरच निवासी वस्ती असल्यामुळे येथील कुटुंबांना आरोग्यविषयक धोका निर्माण होण्याची भीती व्यक्त केली जात आहे.
विशेष म्हणजे, एकीकडे शहर स्वच्छता आणि पर्यावरण संवर्धनासाठी महानगरपालिकेकडून विविध ठिकाणी भित्तीचित्रांच्या माध्यमातून स्वच्छतेचे संदेश दिले जात आहेत. ‘सांगलीच्या भिंती बोलू लागल्यात’ या उपक्रमांतर्गत नागरिकांमध्ये स्वच्छतेबाबत जागृती करण्याचा प्रयत्न सुरू असताना, प्रत्यक्षात काही भागांमध्ये अशा समस्या कायम असल्याने नागरिकांकडून तीव्र नाराजी व्यक्त केली जात आहे.
स्थानिकांच्या म्हणण्यानुसार, नाल्याची नियमित साफसफाई होत नसल्याने पाणी तुंबून ते इतरत्र पसरत आहे. उष्ण हवामानात साचलेल्या पाण्यामुळे दुर्गंधी अधिक वाढत असून, परिसरातून ये-जा करणाऱ्या नागरिकांनाही याचा मोठा त्रास सहन करावा लागत आहे.
महानगरपालिकेने तातडीने नाल्याची स्वच्छता करून पाण्याचा निचरा सुरळीत होण्यासाठी काहीतरी ठोस उपाययोजना कराव्यात, अशी मागणी परिसरातील नागरिकांनी केली आहे.
हेही वाचा: सांगली जिल्हा परिषद–पंचायत समिती निवडणूक 2026 : तालुकानिहाय अंतिम मतदानाची टक्केवारी.
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
