सांगली : सांगली शहरातील विविध चौक व प्रमुख रस्त्यांवर वाहतूक पोलिसांकडून सीसीटीव्ही कॅमेऱ्यांच्या माध्यमातून वाहतूक नियमांची अंमलबजावणी सुरू करण्यात आली आहे. नियमभंग करणाऱ्या वाहनचालकांवर ऑनलाइन चलनाद्वारे दंड आकारला जात असल्याची माहिती समोर आली आहे.
मिळालेल्या माहितीनुसार, वाहन चालवताना मोबाईलचा वापर, मोबाईलवर बोलणे तसेच नो एन्ट्रीमध्ये वाहन नेणे अशा नियमभंगाच्या घटनांची नोंद सीसीटीव्ही कॅमेऱ्यांद्वारे घेतली जात आहे. या प्रकरणांमध्ये दंडाची रक्कम वाहनचालकांच्या मोबाईलवर संदेशाद्वारे कळवली जात असल्याचे सांगण्यात येत आहे.
मारुती रोड, कॉलेज कॉर्नर, विश्रामबाग चौक, सांगली स्टँड, पटेल चौक तसेच अंकली टोल नाका परिसरात ही यंत्रणा कार्यान्वित असल्याची माहिती आहे. नागरिकांनी वाहतूक नियमांचे पालन करावे आणि स्वतःची व इतरांची सुरक्षितता जपावी, असे आवाहन वाहतूक नियंत्रण शाखेकडून करण्यात आले आहे.
हेही वाचा: कडेगाव येथे ऊस उत्पादक शेतकऱ्यांचा मेळावा; शेतकऱ्यांना ₹3500 रुपये उचल.
- बंगळुरू-मुंबई स्लीपर वंदे भारतवरून नवा वाद; सांगली-बेळगावला डावलले जाणार?
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
