सांगली : सांगली–मिरज–कुपवाड महानगरपालिकेच्या मालमत्ता कर विभागाच्या कामकाजात तंत्रज्ञानाचा अधिक प्रभावी वापर करण्याच्या दृष्टीने भाग लिपिकांना टॅब (टॅब्लेट) देण्यात आले आहेत. या उपक्रमामुळे कर संकलनाची प्रक्रिया अधिक सुलभ, पारदर्शक आणि वेगवान होणार असल्याची माहिती महापालिका प्रशासनाकडून देण्यात आली.
महापालिका आयुक्त सत्यम गांधी यांच्या पुढाकारातून राबविण्यात आलेल्या या उपक्रमांतर्गत अतिरिक्त आयुक्त राहुल रोकडे यांच्या हस्ते कर विभागातील भाग लिपिकांना टॅबचे वाटप करण्यात आले. यासोबतच कर विभागाच्या कार्यालयासाठी नवीन फर्निचर व आवश्यक पायाभूत सुविधा उपलब्ध करून देण्यात आल्या आहेत.
प्रशासनाच्या माहितीनुसार, टॅबच्या वापरामुळे कर संकलनाचे काम कागदमुक्त पद्धतीने करता येणार असून, नागरिकांच्या कर नोंदी रिअल-टाइम अपडेट होण्यास मदत होणार आहे. त्यामुळे करसंकलन प्रक्रियेत अचूकता वाढण्याबरोबरच नागरिकांनाही अधिक पारदर्शक सेवा मिळतील.
यावेळी अतिरिक्त आयुक्त राहुल रोकडे यांनी सांगितले की, कर विभागातील कर्मचारी हे महापालिकेचा महत्त्वाचा घटक असून, त्यांना अद्ययावत साधने उपलब्ध करून दिल्याने कामकाज अधिक कार्यक्षम होईल. सहाय्यक आयुक्त आकाश डोईफोडे यांनीही या उपक्रमामुळे विभागाच्या कामगिरीत सकारात्मक बदल होईल, असा विश्वास व्यक्त केला.
या उपक्रमामुळे महापालिकेच्या कर विभागाचे कामकाज अधिक आधुनिक पद्धतीने होणार असून, नागरिकांना करसंबंधी सेवा वेळेत व सुलभपणे मिळण्यास मदत होणार असल्याचे महापालिका प्रशासनाकडून स्पष्ट करण्यात आले आहे.
हेही वाचा: ‘एक मत सक्षम जिल्हा घडवू शकते’ – सांगली जिल्हा परिषद सीईओ विशाल नरवाडे यांचा मतदारांना संदेश.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
