सांगली : मिरज तालुक्यातील तुंग येथे गुरुवारी रात्री रस्त्याकडेला उभ्या असलेल्या ट्रकला दुचाकीची धडक बसून 29 वर्षीय युवकाचा मृत्यू झाला. या अपघातानंतर संतप्त नागरिकांनी ट्रकची तोडफोड करत केबिनला आग लावल्याची घटना घडली.
शिवकुमार श्रीकांत पाटील (रा. ढवळी, ता. वाळवा) असे मृत युवकाचे नाव असून त्याचा मित्र यशवंत वसंत पाटील (रा. फार्णेवाडी, ता. वाळवा) जखमी झाला आहे. दोघे गुरुवारी रात्री दुचाकीवरून जात असताना तुंग येथील एका नर्सरीजवळ हा अपघात घडला.
प्राथमिक माहितीनुसार, ट्रक रस्त्याकडेला उभा करण्यात आला होता. मात्र ट्रकवर रिफ्लेक्टर किंवा पार्किंग लाईट सुरु नसल्याने अंधारात तो दिसला नाही, अशी शक्यता व्यक्त करण्यात येत आहे. दुचाकी ट्रकवर आदळल्यानंतर शिवकुमार यांच्या डोक्याला गंभीर दुखापत झाली. त्यांना तातडीने रुग्णालयात दाखल करण्यात आले; मात्र उपचारादरम्यान त्यांचा मृत्यू झाला.
अपघाताची बातमी समजताच परिसरात नागरिकांची मोठी गर्दी जमली. त्यानंतर संतप्त जमावाकडून ट्रकची तोडफोड करण्यात आली आणि केबिनला आग लावण्यात आल्याचे सांगण्यात येत आहे. या आगीत ट्रकची केबिन पूर्णपणे जळून खाक झाली.
सांगली ग्रामीण पोलिस ठाण्यात या प्रकरणाची नोंद करण्यात आली असून पुढील तपास सुरू आहे.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
