Sangli News : सांगली जिल्ह्यात घडलेल्या दोन वेगवेगळ्या गंभीर घटनांमुळे कायदा-सुव्यवस्थेबाबत चिंता व्यक्त केली जात आहे. सांगली शहर आणि जत तालुक्यात खुनाच्या घटना समोर आल्याने नागरिकांमध्ये अस्वस्थता निर्माण झाली आहे.
सांगली शहरातील माधवनगर अहिल्यानगर रोड परिसरात राहुल कदम या तरुणाची जुन्या वादातून हत्या झाल्याची घटना उघडकीस आली आहे. प्राथमिक माहितीनुसार, आपसी वादातून हा प्रकार घडल्याचा संशय असून, घटनेनंतर संबंधित संशयितांनी स्वतःहून संजयनगर पोलीस ठाण्यात हजर होत आत्मसमर्पण केले आहे. पोलिसांकडून सध्या त्यांची कसून चौकशी सुरू असून, हत्येच्या पार्श्वभूमीचा तपशीलवार तपास केला जात आहे.
दरम्यान, जत शहरातील कृषी उत्पन्न बाजार समिती परिसरातील जनावर अड्ड्याजवळ एका व्यक्तीचा मृतदेह नग्न अवस्थेत आढळून आला. मृत व्यक्तीची ओळख विकास टकले (रा. कारंडेवाडी उर्फ घुळेवाडी, ता. जत) अशी पटली आहे. या मृत्यूमागे हत्या, मारहाण किंवा अन्य कारण आहे का, याचा तपास पोलीस करत आहेत. शवविच्छेदन अहवालानंतर मृत्यूचे नेमके कारण स्पष्ट होण्याची शक्यता आहे.
या दोन्ही घटनांमुळे सांगली शहरासह जत तालुक्यातही तणावाचे वातावरण निर्माण झाले आहे. नागरिकांनी अफवांवर विश्वास न ठेवता सहकार्य करावे, असे आवाहन पोलिस प्रशासनाकडून करण्यात आले आहे.
हेही वाचा: महायुती एकत्र निवडणूक लढवणार; महापौर भाजपचाच होणार – पालकमंत्री चंद्रकांत पाटील.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
