सांगली : सांगली-मिरज-कुपवाड महानगरपालिका निवडणुकीच्या पार्श्वभूमीवर भारतीय जनता पक्षाने इच्छुक उमेदवारांच्या मुलाखतींची प्रक्रिया अधिकृतपणे सुरू केली आहे. आज सांगली शहरातील महापालिका क्षेत्रासाठी अर्ज केलेल्या इच्छुक उमेदवारांच्या मुलाखती पार पडल्या.
या मुलाखतींमध्ये उमेदवारांचा सामाजिक कार्याचा अनुभव, संघटनात्मक कामगिरी, प्रभागातील प्रश्नांची जाण आणि शहराच्या विकासाबाबतची दृष्टी यावर थेट संवाद साधण्यात आला. भाजपकडून सक्षम, लोकसंपर्क असलेले आणि निवडणूक लढवण्याची ताकद असलेले उमेदवार निवडण्यावर भर दिला जात आहे.
मुलाखतींसाठी आमदार सुधीर गाडगीळ, आमदार सुरेश खाडे, शहर जिल्हाध्यक्ष प्रकाश ढंग, माजी आमदार दिनकर पाटील, भाजपा संघटन मंत्री मकरंद देशपांडे तसेच सांगली शहर निवडणूक प्रभारी शेखर इनामदार उपस्थित होते.
महानगरपालिकेच्या एकूण 78 जागांसाठी तब्बल 570 इच्छुकांनी उमेदवारी अर्ज दाखल केल्याने पक्षात मोठी चुरस निर्माण झाली आहे. प्रभागनिहाय मोठ्या प्रमाणावर अर्ज आल्यामुळे उमेदवार निवडीचे आव्हान भाजप नेतृत्वासमोर उभे राहिले आहे.
इच्छुक उमेदवारांच्या मुलाखती पुढील दोन दिवस चालणार असून, त्यानंतर सर्व बाबींचा आढावा घेऊन अंतिम उमेदवारांची यादी निश्चित केली जाणार असल्याचे पक्षाच्या सूत्रांकडून सांगण्यात आले. आगामी निवडणुकीसाठी भाजपने संघटनात्मक पातळीवर तयारीला वेग दिल्याचे चित्र दिसत आहे.
हेही वाचा: जनसुराज्य शक्ती पक्षाच्या तयारीला वेग; उमेदवारांच्या मुलाखती 14 डिसेंबरपासून.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
