सांगली : संजयनगर पोलीस ठाण्याच्या हद्दीतील शिराज इब्राहिम मुल्ला (वय २१, रा. राम रहिम कॉलनी) हा युवक बेपत्ता झाल्यानंतर त्याचा मृतदेह विश्रामबाग पोलीस ठाण्याच्या हद्दीतील काळ्या खणीतील पाण्यात कुजलेल्या अवस्थेत आढळून आल्याने शहरात खळबळ उडाली आहे.
शिराज मुल्ला हा काही दिवसांपूर्वी बेपत्ता झाल्याची नोंद त्याच्या नातेवाइकांनी संजयनगर पोलीस ठाण्यात केली होती. दरम्यान, काळी खण परिसरात पाण्यात मृतदेह असल्याची माहिती मिळताच विश्रामबाग पोलीस ठाण्याचे अधिकारी आणि महसूल प्रशासनाने घटनास्थळी धाव घेतली. तपासादरम्यान हा मृतदेह शिराज मुल्ला याचा असल्याची ओळख पटली.
काळ्या खणितील पाण्याच्या साठ्याबाबत यापूर्वीही सामाजिक कार्यकर्त्यांनी तीव्र आक्षेप नोंदवले होते. दुर्गंधी, अस्वच्छता आणि अपघाताचा धोका याबाबत आंदोलनही करण्यात आले होते. याच ठिकाणी युवकाचा मृतदेह सापडल्याने काळ्या खाणीच्या सुरक्षिततेचा प्रश्न पुन्हा एकदा ऐरणीवर आला आहे.
मृतदेह अत्यंत अडचणीच्या ठिकाणी पाण्यात असल्याने जिल्हा आपत्ती व्यवस्थापन विभाग, आपदा मित्र आणि स्पेशल रेस्क्यू फोर्सच्या पथकाने संयुक्तपणे रेस्क्यू ऑपरेशन राबवले. तीव्र दुर्गंधी आणि खोल पाणी असल्यामुळे अडथळे येत असतानाही जवानांनी प्रयत्न करून मृतदेह बाहेर काढला.
रेस्क्यू पूर्ण झाल्यानंतर मृतदेह शवविच्छेदनासाठी सांगली शासकीय रुग्णालयात पाठवण्यात आला. या प्रकरणाचा पुढील तपास विश्रामबाग पोलीस ठाण्याचे अधिकारी करत आहेत.
हेही वाचा: देवराष्ट्रेत युवकावर बिबट्याचा हल्ला; कुत्र्यांच्या प्रतिकारामुळे जीव वाचला, पिल्लांसह बिबट्याचे झाडात पलायन.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
