Sangli News | मिरज : सांगली–मिरज–कुपवाड महापालिका निवडणुकांच्या पार्श्वभूमीवर शहरातील राजकीय घडामोडींना वेग आला आहे. मिरजेतील माजी महापौर किशोर जामदार व माजी नगरसेवक राष्ट्रवादी काँग्रेस (अजित पवार गट) मध्ये प्रवेश करणार असल्याच्या चर्चांमुळे महाविकास आघाडीच्या नेत्यांकडून मनधरणीचे प्रयत्न सुरू झाले आहेत.
या पार्श्वभूमीवर खासदार विशाल पाटील यांनी माजी महापौर किशोर जामदार तसेच माजी महापौर मैनुद्दीन बागवान यांची भेट घेतली. यावेळी त्यांनी मिरज आणि सांगलीतील राजकीय स्थितीवर चर्चा करत भाजपविरोधी ताकदी एकत्र ठेवण्याचा प्रयत्न सुरू असल्याचे स्पष्ट केले.
खासदार विशाल पाटील म्हणाले की, सांगली जिल्हा हा पुरोगामी विचारांचा असून भाजप सत्तेत असतानाही महापालिकेला अपेक्षित विकासनिधी मिळालेला नाही. “भाजप सत्तेत असूनही सांगली-मिरज महापालिकेसाठी मागील दीड ते दोन वर्षांत कोणताही ठोस निधी देण्यात आलेला नाही,” असा आरोप त्यांनी केला.
भाजपविरोधी पर्याय मजबूत करण्यासाठी काँग्रेस, राष्ट्रवादी (शरद पवार गट) आणि इतर समविचारी पक्ष एकत्र आणण्याचा प्रयत्न सुरू असल्याचेही त्यांनी स्पष्ट केले. “माजी नगरसेवक व नेत्यांच्या काही अडचणी असतील, त्या समजून घेऊन मार्ग काढण्याचा प्रयत्न केला जात आहे. भाजपकडे जाण्याचा निर्णय अद्याप अंतिम झालेला नाही,” असेही त्यांनी सांगितले.
दरम्यान, राष्ट्रवादी काँग्रेस (शरद पवार गट) चे नेते संजय बजाज यांनीही माजी महापौर मैनुद्दीन बागवान यांची भेट घेतली असून, त्यांच्याशी संवाद सुरू आहे. पुढील एक-दोन दिवसांत या भेटींनंतर निर्णय स्पष्ट होण्याची शक्यता वर्तवली जात आहे.
महापालिका निवडणुकीच्या पार्श्वभूमीवर सुरू असलेल्या या हालचालींमुळे मिरज व सांगलीतील राजकीय समीकरणे बदलण्याची चिन्हे दिसू लागली आहेत.
हेही वाचा: कुष्ठरोगग्रस्तांच्या पाठीशी ठामपणे उभी आहे सांगली जिल्हा परिषद; वसाहती व रुग्णालयाला सीईओंची भेट.
- शिराळ्यातील बेलदारवाडी जिल्हा परिषद प्राथमिक शाळेत प्रवेशोत्सव उत्साहात; विद्यार्थ्यांना मोफत गणवेश, पुस्तके
- बंगळुरू-मुंबई स्लीपर वंदे भारतवरून नवा वाद; सांगली-बेळगावला डावलले जाणार?
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
