Sangli Today | पलूस : पलूस नगरपरिषद निवडणुकीत काँग्रेसने आमदार विश्वजीत कदम यांच्या नेतृत्वाखाली एकतर्फी विजय मिळवत सत्ता कायम राखली आहे. नगराध्यक्षपदासह १६ जागांवर विजय मिळवून काँग्रेसने प्रतिस्पर्ध्यांना मोठा धक्का दिला.
नगराध्यक्षपदाच्या लढतीत काँग्रेसच्या संजिवनी सुहास पुदाले यांनी ६,८८१ मते मिळवत राष्ट्रवादी काँग्रेसच्या ज्योत्स्ना येसुगडे यांचा १,३५० मतांनी पराभव केला. निकाल जाहीर होताच पलूस शहरात फटाके, गुलाल आणि जल्लोषाचे वातावरण पाहायला मिळाले.
या निवडणुकीत काँग्रेसने नव्या चेहऱ्यांना संधी देत संघटनात्मक बदलांचा धाडसी निर्णय घेतल्याचे स्पष्ट झाले. त्याचा थेट फायदा पक्षाला मिळाल्याचे निकालातून दिसून आले. दुसरीकडे, राष्ट्रवादीला केवळ चार, तर भाजपला एकाच जागेवर समाधान मानावे लागले. महायुती करूनही अपेक्षित यश न मिळाल्याने राष्ट्रवादीसमोर आत्मपरीक्षणाचे आव्हान उभे राहिले आहे.
विजयानंतर बोलताना नूतन नगराध्यक्षा संजिवनी पुदाले यांनी, “मतदारांनी दिलेल्या विश्वासाचे सोन करून पलूसच्या विकासासाठी प्रामाणिकपणे काम करू,” असा विश्वास व्यक्त केला. या निकालामुळे सांगली जिल्ह्यात काँग्रेसचे मनोबल वाढले असून, आगामी स्थानिक स्वराज्य संस्थांच्या निवडणुकांसाठी पक्षाला बळ मिळाल्याचे राजकीय जाणकारांचे मत आहे.
हेही वाचा: महायुती-महाआघाडीचा अंतिम निर्णय 23 डिसेंबरनंतर; इच्छुक उमेदवार प्रतीक्षेत.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
