सांगली : सांगली मिरज कुपवाड महानगरपालिका सार्वत्रिक निवडणुकीसाठी उमेदवारी अर्ज दाखल करण्याच्या अंतिम दिवशी राजकीय हालचालींना वेग आला. उमेदवारी मिळाल्याच्या आनंदात तर काही ठिकाणी पक्षाने डावलल्याने ताकद दाखवण्यासाठी, शेकडो उमेदवारांनी आज अखेरच्या दिवशी अर्ज दाखल केले.
निर्धारित वेळ संपल्यानंतरही अर्ज दाखल करण्यासाठी प्रवेशद्वारात उपस्थित असलेल्या उमेदवारांना कक्षात प्रवेश देत प्रक्रिया सुरू ठेवण्यात आली. त्यामुळे सायंकाळपर्यंत निवडणूक कार्यालयांच्या परिसरात गडबड आणि गर्दी कायम होती.
बंडखोरी टाळण्यासाठी अनेक राजकीय पक्षांनी शेवटपर्यंत अधिकृत उमेदवारांची यादी जाहीर न केल्याने गोंधळ वाढल्याचे चित्र दिसून आले. महाविकास आघाडीत अपेक्षित जागा न मिळाल्याने शिवसेना ठाकरे गटाने सर्व जागांवर स्वबळावर निवडणूक लढवण्याचा निर्णय घेतल्याचे सांगण्यात आले.
दरम्यान, महायुतीतून बाहेर पडलेल्या शिवसेना शिंदे गटानेही स्वबळावर सर्वच 78 जागांसाठी उमेदवारी अर्ज दाखल केले आहेत. राष्ट्रवादी काँग्रेस अजित पवार गटाने 33 जागांसाठी एबी फॉर्म दिल्याची माहिती समोर आली आहे.
भाजपमध्ये काही ठिकाणी उमेदवारी न मिळाल्याने नाराजी दिसून आली. त्यातून काही ठिकाणी बंडखोरी उफाळून आली असून, माजी उपमहापौर युवराज बावडेकर यांनी शिवसेना शिंदे गटाकडून उमेदवारी अर्ज दाखल केला आहे.
हेही वाचा: भाजप स्वबळावर मैदानात; सांगली महापालिकेच्या सर्व 78 जागांसाठी उमेदवार जाहीर.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
