मिरज : २७ कोटी रुपयांच्या फसवणूक प्रकरणात पिंपरी-चिंचवड पोलिसांच्या आर्थिक गुन्हे शाखेने (EOW) मिरज येथून उद्योजक ॲड. चंद्रकांत रामचंद्र ऊर्फ सी.आर. सांगलीकर यांना अटक केली आहे. बावधन पोलीस ठाण्यात दाखल गुन्ह्याच्या तपासाअंतर्गत ही कारवाई करण्यात आली.
पोलिसांकडून मिळालेल्या माहितीनुसार, पीएसीएल कंपनीशी संबंधित जमीन व्यवहार प्रकरणात ही अटक करण्यात आली आहे. पुणे जिल्ह्यातील मुळशी तालुक्यातील एका जमिनीच्या बेकायदेशीर विक्रीद्वारे गुंतवणूकदारांची व शासनाची फसवणूक झाल्याचा आरोप या प्रकरणात करण्यात आला आहे. आर्थिक गुन्हे शाखेकडून संबंधित प्रकरणाचा तपास सुरू आहे.
संशयित मिरज परिसरात असल्याची माहिती मिळाल्यानंतर पिंपरी-चिंचवड पोलिसांच्या पथकाने मंगळवारी मिरजेत छापा टाकून सांगलीकर यांना अटक केली व न्यायालयात हजर करण्यात आले. न्यायालयाने त्यांना ५ जानेवारीपर्यंत पोलिस कोठडी सुनावली आहे.
या प्रकरणात इतर आरोपींची भूमिका, आर्थिक व्यवहारांचा तपशील तसेच जमीन व्यवहारांबाबतची कागदपत्रे तपासली जात असून, पुढील तपास सुरू असल्याची माहिती पोलिसांकडून देण्यात आली आहे.
हेही वाचा: मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
