सांगली : सांगली–मिरज–कुपवाड शहर महानगरपालिका निवडणुकीसाठी १५ जानेवारीला मतदान होणार असून, यंदा बहुसदस्यीय प्रभाग पद्धतीमुळे मतदारांना तीन किंवा चार मत द्यायची आहेत. त्यामुळे मतदान केंद्रावर तीन किंवा चार ईव्हीएम मशीन असणार असून, त्याबाबत गोंधळ होऊ नये यासाठी प्रशासनाकडून मतदान प्रक्रियेची माहिती देण्यात आली आहे.
यंदाच्या निवडणुकीत प्रभागाच्या रचनेनुसार काही ठिकाणी तीन, तर काही ठिकाणी चार गटांसाठी स्वतंत्र ईव्हीएम मशीन ठेवण्यात येणार आहेत. मतदान केंद्रावर मतदारांसमोर पांढरे, गुलाबी, पिवळे आणि निळे अशा रंगांचे ईव्हीएम मशीन असतील. प्रत्येक मशीनवर संबंधित गटातील उमेदवारांची यादी दिसणार आहे.
मतदारांनी आपल्या मतदान केंद्रावर असलेल्या सर्व ईव्हीएम मशीनवर आपापल्या पसंतीच्या उमेदवाराचे बटन दाबून मतदान करणे आवश्यक आहे. पहिल्या दोन किंवा तीन मशीनवर बटन दाबल्यानंतर कोणताही आवाज येणार नाही, फक्त लाल दिवा लागेल. शेवटच्या ईव्हीएम मशीनवरील बटन दाबल्यानंतर बीप साउंड ऐकू येईल, आणि त्यानंतरच तुमचे मत नोंदवले जाईल.
त्यामुळे मतदारांनी घाई गडबड न करता आपल्यासमोर असलेल्या सर्व ईव्हीएम मशीनवर मतदान करून बीप साउंड ऐकू आल्या नंतरच मतदान केंद्रातून बाहेर पडावे, असे आवाहन प्रशासनाकडून करण्यात आले आहे.
हेही वाचा: १५ जानेवारीला मतदानासाठी भरपगारी सुट्टी; सुट्टी न दिल्यास आस्थापनांवर कारवाईचा इशारा.
- जतचा दुष्काळ लवकरच संपणार? 65 गावांना पाणी, 26,500 हेक्टर सिंचनाचा मार्ग मोकळा
- राज्यात 2000 नवीन ग्रंथालयांना मान्यता; सांगलीतील ग्रंथोत्सवात पालकमंत्र्यांची घोषणा
- आटपाडीत दुकानफोडी; दिघंचीतील इलेक्ट्रिकल दुकान फोडून 70 हजारांचा माल लंपास
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
