ईश्वरपूर : कारागृह विभागात वरिष्ठ लिपिक पदावर नोकरी लावण्याचे आमिष दाखवून १३ लाख रुपयांची फसवणूक केल्याचा धक्कादायक प्रकार ईश्वरपूर येथे उघडकीस आला आहे. या प्रकरणी कारागृह पोलिस हवालदारासह त्याच्या तीन नातेवाईकांविरुद्ध ईश्वरपूर पोलिस ठाण्यात गुन्हा दाखल करण्यात आला आहे.
या प्रकरणात अर्जुन आण्णासाहेब देशमुख (रा. विष्णुनगर, कापूरवाडी–पेठ) यांनी फिर्याद दिली आहे. त्यानुसार, संशयित बाजीराव जोती पाटील (कारागृह पोलिस हवालदार, मूळ रा. वाडीभाग, ता. शिराळा; सध्या रा. विसापूर, जि. अहिल्यानगर) यांनी स्वतःची कारागृह विभागात ओळख असून वरपर्यंत संपर्क असल्याचा दावा करत फिर्यादींच्या मुलाला वरिष्ठ लिपिक पदावर नोकरी लावण्याचे आमिष दाखवले.
पोलिसांनी दिलेल्या माहितीनुसार, बाजीराव पाटील याने नोकरी लावण्यासाठी १५ लाख रुपयांची मागणी केली. या आमिषाला बळी पडून अर्जुन देशमुख यांनी पतसंस्थेतून कर्ज काढून फेब्रुवारी ते नोव्हेंबर २०२४ या कालावधीत संशयितांच्या बँक खात्यावर तसेच रोख स्वरूपात रक्कम दिली. काही कालावधी उलटूनही नोकरी न मिळाल्याने पैसे परत मागितले असता, संशयिताने दिलेला १५ लाख रुपयांचा धनादेश बँकेत वटला नाही.
या प्रकरणात बाजीराव पाटील याच्यासह गणेश दिनकर जाधव, नागेश दिनकर जाधव आणि मनिषा गणेश जाधव (सर्व रा. पाचगाव, जि. कोल्हापूर) यांच्याविरोधात फसवणुकीचा गुन्हा दाखल करण्यात आला आहे. पोलिसांकडून या प्रकरणाचा पुढील तपास सुरू असून, आर्थिक व्यवहारांची चौकशी केली जात आहे.
हेही वाचा: कवलापूरमधील जबरी चोरीचा छडा; दोन तरुणांना अटक.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
