सांगली : सांगली-मिरज-कुपवाड महानगरपालिका निवडणुकीत मिरज येथील प्रभाग क्रमांक ५ मधून काँग्रेसकडून निवडणूक लढवलेल्या पती-पत्नी संजय मेंढे आणि बबिता मेंढे यांनी मोठा विजय मिळवला आहे. एकाच प्रभागातून पती-पत्नी दोघेही नगरसेवक म्हणून निवडून येण्याची ही दुर्मिळ घटना ठरली आहे.
संजय मेंढे यांनी सुमारे ४ हजार मतांच्या आघाडीने विजय मिळवला, तर बबिता मेंढे यांनी सुमारे ४,५०० मतांच्या आघाडीने प्रतिस्पर्ध्यांचा पराभव केला. या निकालामुळे प्रभाग क्रमांक ५ मधील मतदारांचा काँग्रेसवरील विश्वास पुन्हा एकदा अधोरेखित झाला आहे.
निवडणुकीनंतर प्रतिक्रिया देताना संजय मेंढे यांनी सांगितले की, ही त्यांची पाचवी टर्म असून, नागरिकांनी त्यांच्या कामावर विश्वास ठेवून त्यांना पुन्हा एकदा संधी दिल्याबद्दल त्यांनी सर्व मतदारांचे आभार मानले.
घराघरांत जाऊन प्रचार, स्थानिक प्रश्नांवर सातत्याने केलेले काम आणि नागरिकांशी थेट संपर्क हेच या पती-पत्नीच्या विजयाचे प्रमुख कारण असल्याचे मेंढे दांपत्याने सांगितले. प्रभागातील नागरिकांनी विकासकामांना संधी दिल्याची भावना यावेळी त्यांनी व्यक्त केली.
हेही वाचा: मतमोजणीनंतर हुल्लडबाजी; 328 जणांवर सांगलीत दंडात्मक कारवाई.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
