आष्टा : खासगी सावकारी प्रकरणातील खटला मागे घेण्याच्या कारणावरून कोरेगाव (ता. वाळवा) येथील एका महिलेला काठीने मारहाण करून जखमी केल्याचा आरोप करण्यात आला आहे. या प्रकरणी शिवीगाळ व जिवे मारण्याची धमकी दिल्याप्रकरणी आष्टा पोलिस ठाण्यात दोघांविरुद्ध गुन्हा दाखल करण्यात आला आहे.
जखमी महिलेचे नाव स्मिता जितेंद्र देसाई (वय 39, रा. जैन गल्ली, कोरेगाव) असे आहे. याप्रकरणी मनोज धनपाल कवठेकर (रा. वाळवा) आणि राजीव मधुकर देसाई (रा. कोरेगाव) यांच्याविरोधात पोलिसांनी गुन्हा नोंदवला आहे.
पोलिसांनी दिलेल्या माहितीनुसार, शुक्रवार, 16 जानेवारी रोजी दुपारी सुमारे 12.30 वाजता स्मिता देसाई आपल्या घराच्या जिन्यावरून जात असताना संशयित मनोज कवठेकर याने त्यांना अडवले. फिर्यादीत नमूद केल्यानुसार,
“सावकारीची केस घालून माझे काय बिघडवलेस? खटला मागे घे, नाहीतर तुझ्या पतीला संपवून टाकीन,” अशी धमकी देत अश्लील शिवीगाळ करण्यात आली. यानंतर हातातील काठीने स्मिता देसाई यांच्या उजव्या हातावर मारहाण करून त्यांना जखमी केल्याचा आरोप आहे.
याचवेळी दुसरा संशयित राजीव देसाई यानेही “खटला मागे घे, नाहीतर तुझ्या पतीला मागेच संपवले असते” असे म्हणत त्यांना ढकलल्याचा आरोप फिर्यादीत करण्यात आला आहे. तसेच स्मिता देसाई यांचे पती जितेंद्र देसाई यांनाही संशयितांनी शिवीगाळ व दमदाटी केल्याचे तक्रारीत नमूद आहे.
या घटनेनंतर स्मिता देसाई यांनी आष्टा पोलिस ठाण्यात फिर्याद दिली असून, पोलिसांनी दोन्ही संशयितांविरुद्ध गुन्हा दाखल केला असून. आष्टा पोलीस या प्रकरणाचा अधिक तपास करत आहेत.
हेही वाचा: चिंतामणराव कॉलेज ऑफ कॉमर्स च्या वार्षिक क्रीडा स्पर्धा 2025–26 सुरु.
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
