मिरज : प्रजासत्ताक दिनाच्या पार्श्वभूमीवर मध्य रेल्वेने प्रवाशांसाठी विशेष अनारक्षित रेल्वेगाडी जाहीर केली आहे. भुसावळ–मिरज–भुसावळ मार्गावर ही विशेष गाडी चालवण्यात येणार असून, सांगली व मिरज रेल्वे प्रवाशांसाठी ही मोठी सोय ठरणार आहे.
रेल्वे प्रशासनाकडून जाहीर करण्यात आलेल्या वेळापत्रकानुसार गाडी क्रमांक 01209 भुसावळ–मिरज विशेष ही रेल्वे २३ जानेवारी २०२६ रोजी भुसावळ येथून सुटणार आहे. तर गाडी क्रमांक 01210 मिरज–भुसावळ विशेष ही रेल्वे २६ जानेवारी २०२६ रोजी मिरज येथून धावणार आहे.
ही विशेष रेल्वे मनमाड, पुणे, सातारा आणि सांगली मार्गे धावणार असून, प्रवाशांसाठी ती पूर्णतः अनारक्षित (Unreserved) असणार आहे. त्यामुळे प्रजासत्ताक दिनाच्या सुट्यांमध्ये प्रवास करणाऱ्या सामान्य प्रवाशांना याचा मोठा फायदा होणार आहे.
रेल्वेच्या माहितीनुसार, या विशेष गाडीची एकूण रचना १८ डब्यांची असून, प्रवासासाठी इलेक्ट्रिक इंजिनचा वापर करण्यात येणार आहे. ही गाडी केवळ एक-एक फेरीसाठी (Single Trip) चालवण्यात येणार आहे.
दरम्यान, या विशेष रेल्वेमुळे मिरज, सांगली, कराड, सातारा आणि पुणे मार्गावरील प्रवाशांना पर्यायी व अतिरिक्त प्रवासाची सोय उपलब्ध होणार असल्याचे रेल्वे प्रवासी संघटनांकडून सांगण्यात आले आहे.
हेही वाचा: सहकारतीर्थ स्व. गुलाबराव पाटील यांच्या ३७ व्या पुण्यतिथीनिमित्त सांगली जिल्हा मध्यवर्ती बँकेत अभिवादन.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
