सांगली : विश्रामबाग रेल्वे स्थानक परिसरात गुरुवारी सकाळी झालेल्या रेल्वे अपघातात एका अभियांत्रिकी महाविद्यालयात शिक्षण घेणाऱ्या विद्यार्थ्याचा मृत्यू झाल्याची घटना घडली. तेजस मारुती सुपे (वय २०, रा. वाढा, ता. खेड, जि. पुणे) असे मृत तरुणाचे नाव आहे.
तेजस हा सांगलीतील एका अभियांत्रिकी महाविद्यालयात आर्टिफिशियल इंटेलिजन्स (AI) या अभ्यासक्रमाच्या पहिल्या वर्षात शिक्षण घेत होता. गुरुवारी सकाळी सुमारे सात वाजण्याच्या सुमारास विश्रामबाग रेल्वे स्थानकाजवळ तो रेल्वे रुळांजवळ असताना रेल्वेची धडक बसल्याची माहिती समोर आली आहे.
घटनेची माहिती मिळताच संजयनगर पोलिस ठाण्याचे अधिकारी आणि कर्मचारी तसेच स्पेशल रेस्क्यू फोर्सचे पथक तातडीने घटनास्थळी दाखल झाले. तपासणीदरम्यान तेजस याचा जागीच मृत्यू झाल्याचे निष्पन्न झाले. घटनास्थळाचा पंचनामा करण्यात आला असून मृतदेह शवविच्छेदनासाठी शासकीय रुग्णालयात पाठवण्यात आला आहे.
या मदतकार्यात स्पेशल रेस्क्यू फोर्सचे कैलास वडर, सागर जाधव, आशिष सावंत, अमीर नदाफ, शिवराज टाकळी आदी सदस्य सहभागी झाले होते. अपघात नेमका कशामुळे झाला, याबाबत संजयनगर पोलिसांकडून पुढील तपास सुरू आहे.
हेही वाचा: उपमुख्यमंत्री अजित पवार यांच्या अकाली निधनामुळे सांगली महापालिकेतील सत्तास्थापनेच्या हालचालींना ब्रेक.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
