सांगली : सांगली–मिरज–कुपवाड महानगरपालिकेने मालमत्ता कर वसुलीसाठी राबवलेली मोहीम अधिक कडक करण्यात आली असून, थकबाकीदार संस्थांवर थेट कारवाई सुरू करण्यात आली आहे. त्याचाच भाग म्हणून कुपवाड येथील उपाध्ये गर्ल हायस्कूलच्या प्रशासकीय कार्यालयावर आणि स्टाफ रूमवर महापालिकेने जप्तीची कारवाई करत सील ठोकले आहे.
महानगरपालिकेने दिलेल्या माहितीनुसार, संबंधित शाळेकडे सुमारे ₹4.73 लाखांची मालमत्ता कर थकबाकी प्रलंबित होती. वारंवार नोटिसा देऊनही कराचा भरणा न झाल्याने 31 जानेवारी 2026 रोजी कुपवाड विभागातील वसुली पथकाने प्रत्यक्ष ठिकाणी जाऊन ही कारवाई केली.
सहाय्यक आयुक्त आकाश डोईफोडे, कर अधीक्षक मोहन कलगुडगी, वॉरंट अधिकारी अशोक कोळी आणि कुपवाडच्या वसुली पथकाने ही कारवाई केली.
महानगरपालिका प्रशासनाने स्पष्ट केले आहे की, मालमत्ता व्यावसायिक असो, निवासी असो किंवा शैक्षणिक संस्था — कर थकवल्यास जप्तीची कारवाई केली जाईल.
दरम्यान, ज्या मालमत्ताधारकांना जप्तीची नोटीस देण्यात आली आहे, त्यांनी जप्तीची कारवाई टाळण्यासाठी तातडीने संबंधित नागरी सुविधा केंद्रात (CFC) कर भरणा करावा असे आवाहन महापालिकेकडून करण्यात आले आहे.
हेही वाचा : सांगली–मिरज–कुपवाडमध्ये सुरू असलेल्या विकासकामांबाबत नागरिकांच्या तक्रारी; आयुक्त सत्यम गांधी यांची प्रत्यक्ष पाहणी.
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
- सांगलीत डॉ. बाबासाहेबांचे जगातील सर्वात मोठे, पहिले रियलॅस्टिक मल्टी-कलर स्ट्रिंग आर्ट
- जतजवळ ट्रेलरची दुचाकीला धडक; 25 वर्षीय तरुणाचा मृत्यू
- सांगलीतील 152 ग्रामपंचायतींची प्रभाग रचना बदलणार? 13 एप्रिलपर्यंत हरकती नोंदवता येणार
- जत : उमदीजवळ भीषण अपघात; ट्रकच्या धडकेत कार चालकाचा मृत्यू, सहा जखमी
- सांगलीची रोजगार योजनेत मोठी झेप; 1375 जणांना व्यवसायासाठी कर्ज मंजुरी
