सांगली : वृद्ध महिलेचे दागिने चोरणाऱ्या चोरट्याला स्थानिक गुन्हे अन्वेषण (LCB) शाखेच्या पथकाने अटक केली आहे. माधवनगर (ता. मिरज) परिसरात घडलेल्या दागिने चोरी प्रकरणाचा उलगडा करत पोलिसांनी आरोपीकडून सुमारे ₹1.20 लाख किमतीचे सोन्याचे दागिने जप्त केले आहेत.
मिळालेल्या माहितीनुसार, 29 जानेवारी रोजी सकाळच्या सुमारास एक वृद्ध महिला कामावरून घरी परतत असताना दुचाकीस्वाराने लिफ्ट देण्याच्या बहाण्याने तिच्याशी संपर्क साधला. काही अंतरावर नेल्यानंतर बँकेत पैसे काढण्यासाठी जायचे असल्याचे सांगत, गळ्यातील दागिने काढून ठेवण्यास सांगितले. आणि याच संधीचा फायदा घेत आरोपीने दागिन्यांना हिसडा मारून पलायन केले होते.
या घटनेनंतर पोलिस अधीक्षक संदीप घुगे यांच्या मार्गदर्शनाखाली स्थानिक गुन्हे अन्वेषण शाखेने तपास सुरू केला. तपासादरम्यान आरोपी एका ठिकाणी येणार असल्याची माहिती मिळाल्यानंतर एलसीबी पथकाने सापळा रचत त्याला अटक केली. चौकशीत आरोपीने माधवनगर परिसरात दागिने चोरी केल्याची कबुली दिली.
दस्तगीर गुलाब शेख (वय 44, रा. शाहू कॉलनी, कोल्हापूर) असे त्याचे नाव आहे. त्याच्याकडून चोरीचे सोन्याचे दागिने हस्तगत करण्यात आले असून, पुढील तपास सुरू असल्याची माहिती पोलिसांकडून देण्यात आली आहे.
दरम्यान, अशा प्रकारे लिफ्ट देण्याच्या बहाण्याने किंवा बँक–पैशांच्या नावाखाली वृद्ध नागरिकांची फसवणूक केली जात असल्याच्या घटना वाढत असल्याने, अनोळखी व्यक्तींवर विश्वास ठेवू नये, असे आवाहन पोलिसांकडून करण्यात आले आहे.
हेही वाचा: सांगलीतील शाळेचे कार्यालय सील; कर थकबाकीदारांवर सांगली मनपाची जप्तीची धडक कारवाई सुरु.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
