सांगली : सांगली–मिरज–कुपवाड महानगरपालिकेने मालमत्ता कर वसुलीसाठी राबवलेली मोहीम अधिक कडक करण्यात आली असून, थकबाकीदार संस्थांवर थेट कारवाई सुरू करण्यात आली आहे. त्याचाच भाग म्हणून कुपवाड येथील उपाध्ये गर्ल हायस्कूलच्या प्रशासकीय कार्यालयावर आणि स्टाफ रूमवर महापालिकेने जप्तीची कारवाई करत सील ठोकले आहे.
महानगरपालिकेने दिलेल्या माहितीनुसार, संबंधित शाळेकडे सुमारे ₹4.73 लाखांची मालमत्ता कर थकबाकी प्रलंबित होती. वारंवार नोटिसा देऊनही कराचा भरणा न झाल्याने 31 जानेवारी 2026 रोजी कुपवाड विभागातील वसुली पथकाने प्रत्यक्ष ठिकाणी जाऊन ही कारवाई केली.
सहाय्यक आयुक्त आकाश डोईफोडे, कर अधीक्षक मोहन कलगुडगी, वॉरंट अधिकारी अशोक कोळी आणि कुपवाडच्या वसुली पथकाने ही कारवाई केली.
महानगरपालिका प्रशासनाने स्पष्ट केले आहे की, मालमत्ता व्यावसायिक असो, निवासी असो किंवा शैक्षणिक संस्था — कर थकवल्यास जप्तीची कारवाई केली जाईल.
दरम्यान, ज्या मालमत्ताधारकांना जप्तीची नोटीस देण्यात आली आहे, त्यांनी जप्तीची कारवाई टाळण्यासाठी तातडीने संबंधित नागरी सुविधा केंद्रात (CFC) कर भरणा करावा असे आवाहन महापालिकेकडून करण्यात आले आहे.
हेही वाचा : सांगली–मिरज–कुपवाडमध्ये सुरू असलेल्या विकासकामांबाबत नागरिकांच्या तक्रारी; आयुक्त सत्यम गांधी यांची प्रत्यक्ष पाहणी.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
