सांगली : नागपूर येथील पशुखाद्य उत्पादक कंपनीची सांगलीतील व्यापाऱ्यांकडून तब्बल ८१ लाख ४६ हजार २९६ रुपयांची फसवणूक झाल्याचा प्रकार उघडकीस आला असून, याप्रकरणी विश्रामबाग पोलिस ठाण्यात दोघांविरुद्ध गुन्हा दाखल करण्यात आला आहे.
याबाबत नागपूर येथील साईबाबा नॅचरल्स प्रायव्हेट लिमिटेड या कंपनीचे संचालक संतुलाल जमताणी यांनी फिर्याद दिली आहे. त्यांच्या तक्रारीनुसार, सांगली येथील श्री साई फीड सांगली या नावाने व्यवहार करणारे सुरेश प्रभाकर पाटील व जया सुरेश पाटील (रा. दत्तनगर, सांगली) यांनी कंपनीकडून मोठ्या प्रमाणावर पशुखाद्य खरेदी केले होते.
फिर्यादी व संशयित आरोपी यांची पूर्वीपासून ओळख असल्याने विश्वासावर वेळोवेळी पशुखाद्य पाठविण्यात आले. कंपनीकडून एकूण ८१ लाख ४६ हजार २९६ रुपयांचे पशुखाद्य पाठवण्यात आले. मात्र, त्यानंतर संबंधितांनी रक्कम देण्यास टाळाटाळ करण्यास सुरू केल्याने आपली फसवणूक झाल्याचे फिर्यादीच्या लक्षात आले.
वारंवार पाठपुरावा करूनही रक्कम न मिळाल्याने आपली फसवणूक झाल्याचे स्पष्ट झाल्यानंतर संतुलाल जमताणी यांनी शेवटी विश्रामबाग पोलिस ठाण्यात तक्रार दाखल केली. त्यानुसार विश्रामबाग पोलिस ठाण्यात दोघांविरुद्ध फसवणुकीचा गुन्हा दाखल करण्यात आला आहे.
विश्रामबाग पोलिस या प्रकरणाचा पुढील तपास करत असून, व्यवहारासंदर्भातील कागदपत्रांची तपासणी सुरू असल्याची माहिती पोलिसांकडून देण्यात आली आहे.
हेही वाचा: सांगली महापालिकेचा कर विभाग ‘डिजिटल’; कागदविरहित कामकाजाकडे वाटचाल.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
