सांगली : सांगली–मिरज–कुपवाड शहर महानगरपालिकेचा 28 वा वर्धापन दिन आज, सोमवार 9 फेब्रुवारी रोजी साजरा करण्यात येत असून या निमित्ताने महापालिका मुख्यालयात सकाळी 10.30 वाजता दीपप्रज्वलनाचा कार्यक्रम आयोजित करण्यात आला आहे.
वर्धापन दिनानिमित्त प्रशासकीय स्तरावर कार्यक्रमाचे आयोजन करण्यात आले असून महापालिकेचे आयुक्त तथा प्रशासक सत्यम गांधी यांच्या हस्ते दीपप्रज्वलन केले जाणार आहे. या कार्यक्रमास विविध विभागांचे अधिकारी व कर्मचारी उपस्थित राहणार असल्याची माहिती महापालिका प्रशासनाने दिली आहे.
9 फेब्रुवारी 1998 रोजी सांगली–मिरज–कुपवाड महानगरपालिका स्थापन झाली असून सांगली–मिरज शहरांसह कुपवाड परिसरातील नागरी विकास, स्वच्छता, पाणीपुरवठा, रस्ते व सार्वजनिक सुविधा व्यवस्थापनाची जबाबदारी या स्थानिक स्वराज्य संस्थेकडे आहे.
दरवर्षी 9 फेब्रुवारीला महानगरपालिकेचा स्थापना दिन वर्धापन दिन म्हणून साजरा केला जातो. यंदाही हा कार्यक्रम आयोजित करण्यात आला आहे.
हेही वाचा: सांगली रेल्वे स्थानकासमोर नाला तुंबला; प्रभाग क्र. 9 मधील नागरिकांसाठी दुर्गंधी व डासांचा त्रास रोजचाच.
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
- मिरजमध्ये 17 एप्रिलला विशेष सरकारी शिबीर; सर्व शासकीय सेवा एकाच ठिकाणी
