सांगली : वाळवा तालुक्यातील ऐतवडे खुर्द परिसरात दुचाकी पुलाच्या कठड्यावर आदळून झालेल्या अपघातात एका युवकाचा मृत्यू झाला असून त्याचा मित्र गंभीर जखमी झाला आहे. ही घटना बुधवारी (४ मार्च) रात्री साडेदहा वाजण्याच्या सुमारास घडली.
पोलिसांनी दिलेल्या माहितीनुसार, राहुल मारुती भडकंबेकर (रा. भडकंबे, ता. वाळवा) व त्याचा मित्र बळवंत यशवंत बनसोडे हे दोघे दुचाकीवरून ऐतवडे खुर्दहून भडकंबे गावाकडे जात होते.
सूर्यवंशी मळा येथील ओढ्यावरील पुलाजवळ भरधाव वेगात असतानाच दुचाकीवरील नियंत्रण सुटून दुचाकी पुलाच्या कठड्याला जोरात धडकली. या अपघातात दोघेही रस्त्यावर पडून गंभीर जखमी झाले.
स्थानिक नागरिकांनी त्यांना उपचारासाठी ईश्वरपूर येथील प्रकाश हॉस्पिटलमध्ये दाखल केले. मात्र डोक्याला गंभीर दुखापत झाल्याने राहुल भडकंबेकर याचा मृत्यू झाल्याचे समोर आले आहे.
बळवंत बनसोडे याच्या पायाला फ्रॅक्चर झाले असून त्याच्यावर उपचार सुरू आहेत. कुरळप पोलीस ठाण्यात या अपघाताची नोंद करण्यात आली आहे.
येथे वाचा: Sangli Latest Accident News.
हेही वाचा: इराण-इस्रायल तणावामुळे तेल दर वाढणार? सांगलीत पेट्रोल 104.07 रुपये; सध्या दरवाढ नाही.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
