कवठेमहांकाळ : मुलगी रिद्धीचा वाढदिवस साजरा करण्यासाठी कुटुंबासह सांगलीला येत असताना दुचाकी अपघातात महेश शारदा शिंदे (रा. दसरा चौक, शिवाजी नगर, सांगली) यांचा मृत्यू झाल्याची दुर्दैवी घटना शिरढोण येथे घडली.
महेश शिंदे हे पत्नी जयम्माबाई आणि मुलगी रिद्धी यांच्यासह आंध्र प्रदेशातील अनंतपूर जिल्ह्यातील रेड्डीपल्ले येथे राहत होते. चालक म्हणून काम करत तसेच शेतीची कामे करून ते कुटुंबाचा उदरनिर्वाह करत होते. मुलगी रिद्धीचा तसेच स्वतःचा वाढदिवस साजरा करण्यासाठी ते कुटुंबासह सांगलीला येत होते.
9 मार्च रोजी रात्री ते बसव्वा एक्सप्रेस रेल्वेने अनंतपूरहून सोलापूर येथे आले. त्यांनी त्यांच्यासोबत बजाज पल्सर दुचाकी रेल्वेच्या पार्सल डब्यातून आणली होती. सोलापूर येथे उतरल्यावर बॅगा जास्त असल्याने पत्नी आणि मुलीला एसटी बसने सांगलीला पाठवून महेश शिंदे हे दुचाकीवरून सांगलीकडे निघाले.
दरम्यान, 10 मार्च रोजी दुपारी शिरढोण येथील जेजे हॉटेल समोर राष्ट्रीय महामार्गावर त्यांच्या दुचाकीची रस्त्यावरील डिव्हायडरला जोरदार धडक बसली. या अपघातात त्यांच्या डोक्याला गंभीर दुखापत झाली. त्यांना तातडीने उपजिल्हा रुग्णालय कवठेमहांकाळ येथे नेण्यात आले मात्र डॉक्टरांनी त्यांना मृत घोषित केले. या प्रकरणी कवठेमहांकाळ पोलिसांत नोंद करण्यात आली असून पुढील तपास सुरू आहे.
हेही वाचा: शिराळ्यात मक्याच्या शेतात गांजाची लागवड; एनडीपीएस कायद्यानुसार गुन्हा दाखल.
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
- Maharashtra Weather: राज्यात उन्हाचा चटका वाढला, पारा ३६ पार; ‘या’ ३ जिल्ह्यांत वादळी पावसाचा इशारा, पाहा आजचा हवामान अंदाज
