सांगली (सांगली टुडे वृत्तसेवा): सांगली महानगरपालिकेच्या स्थायी समितीचे माजी सभापती पैलवान दिलीप सूर्यवंशी यांचे दुःखद निधन झाले आहे. त्यांच्या निधनाचे वृत्त समजताच सांगली, मिरज आणि कुपवाड शहरातील राजकीय, सामाजिक तसेच कुस्ती क्षेत्रात हळहळ व्यक्त होत आहे.
पैलवान दिलीप सूर्यवंशी हे सांगलीच्या राजकारणातील एक अनुभवी नेतृत्व म्हणून परिचित होते. सांगली महानगरपालिकेचे नगरसेवक तसेच स्थायी समितीचे सभापती म्हणून त्यांनी काम पाहिले होते. यापूर्वी काँग्रेसमध्ये सक्रिय राहिल्यानंतर त्यांनी भारतीय जनता पक्षात प्रवेश केला होता.
सांगली महापालिकेचे विद्यमान महापौर धीरज सूर्यवंशी यांच्यासह सूर्यवंशी कुटुंबीयांवर या घटनेमुळे दुःखाचा डोंगर कोसळला आहे. महापालिकेतील आजी-माजी पदाधिकारी, लोकप्रतिनिधी आणि नागरिकांकडून त्यांना भावपूर्ण श्रद्धांजली अर्पण केली जात आहे.
📢 सांगली, मिरज आणि कुपवाड शहरातील ताज्या बातम्या सर्वात आधी वाचण्यासाठी Sangli Today ला Google वर प्राधान्य असलेले स्रोत म्हणून जोडा. 👇



