Sangli News | शिराळा : अंत्री बुद्रुक (ता. शिराळा) येथे गुरुवार, दि. 18 डिसेंबर रोजी सायंकाळी साडेसहाच्या सुमारास शॉर्टसर्किटमुळे एका घराला आग लागल्याची घटना घडली. या आगीत घराचे मोठ्या प्रमाणात नुकसान झाले असून जनावरांसाठी साठवून ठेवलेली वैरण पूर्णपणे जळून खाक झाली आहे.
शिवाजी आप्पा पाटील यांच्या जुन्या घरातील विद्युत मीटरमध्ये अचानक ठिणग्या पडू लागल्या. या ठिणग्या खाली साचलेल्या कचऱ्यावर पडताच आग भडकली. काही क्षणातच आग जवळच ठेवलेल्या वैरणीपर्यंत पोहोचली आणि आगीने रौद्ररूप धारण केले. या घटनेत घरातील रंगकाम, प्लास्टर, विद्युत वायरिंग, प्लंबिंग साहित्य तसेच जनावरांचा चारा मोठ्या प्रमाणात जळून नुकसान झाले.
आग लागल्याची माहिती मिळताच परिसरातील नागरिकांनी तातडीने घटनास्थळी धाव घेतली. अनिल पाटील, प्रकाश पाटील, निवास पाटील, विलास पाटील, अनिकेत कदम आणि सर्जेराव घेवदे यांनी तत्परतेने प्रयत्न करून आगीवर नियंत्रण मिळवले. त्यामुळे आग पसरण्यापासून रोखण्यात यश आले आणि मोठा अनर्थ टळला.
घटनेची माहिती मिळताच सरपंच सुजाता पाटील, उपसरपंच राजेंद्र पाटील, वीज वितरण विभागाचे अधिकारी आर. डी. रसाळ, सुनील पाटील तसेच तलाठी सुरैया शेख यांनी घटनास्थळी भेट देऊन पाहणी केली. संबंधित अधिकाऱ्यांनी नुकसानीचा पंचनामा केला असून पुढील कार्यवाही सुरू आहे.
हेही वाचा: वाळवा तालुक्यात पुन्हा वाढली बिबट्याची दहशत; मेंढ्यांच्या कळपावर हल्ला.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
