सांगली : सांगली–मिरज–कुपवाड शहर महानगरपालिका निवडणुकीच्या पार्श्वभूमीवर भाजपच्या जागावाटपाबाबत महत्त्वपूर्ण घडामोडी समोर येत आहेत. पक्षाच्या अंतर्गत बैठकीत भाजप ७२ जागा लढविण्याचा निर्णय झाल्याची माहिती सूत्रांकडून मिळत आहे. यानुसार जनसुराज्यशक्तीला ४ आणि रिपब्लिकन पार्टी ऑफ इंडिया (आठवले गट) ला १ जागा देण्यात येणार असल्याची चर्चा आहे.
सूत्रांच्या माहितीनुसार, काल भाजपच्या संभाव्य उमेदवार यादीवर शिक्कामोर्तब करण्यात आले असून, अधिकृत घोषणा अद्याप झालेली नाही. मात्र अनेक इच्छुक उमेदवारांना नामनिर्देशन अर्ज भरण्याच्या सूचना देण्यात आल्या आहेत. आज उमेदवारांना एबी फॉर्म देण्यात येण्याची शक्यता वर्तवली जात आहे.
दरम्यान, उमेदवारी वाटपावरून भाजपमध्ये अंतर्गत अस्वस्थता दिसून येत असून, काही माजी नगरसेवकांसह सुमारे २० ज्येष्ठ नेत्यांचे पत्ते कापले गेल्याची चर्चा राजकीय वर्तुळात सुरू आहे.
याचवेळी, महापालिका निवडणुकीच्या पार्श्वभूमीवर महाविकास आघाडी मध्येही हालचाली सुरू असल्याची माहिती आहे. मंत्री मकरंद पाटील यांच्या उपस्थितीत जयंत पाटील, विश्वजीत कदम आणि विशाल पाटील यांच्यात चर्चा सुरू असून, आज या संदर्भातील पुढील निर्णय होण्याची शक्यता वर्तवली जात आहे.
हेही वाचा: ईश्वरपूरजवळ सेप्टिक टँक साफसफाईदरम्यान भीषण दुर्घटना; तिघांचा मृत्यू, पाच जखमी.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
