सांगली : दिव्यांग व्यक्तींच्या सक्षमीकरण, विकास आणि पुनर्वसनासाठी कार्यरत असलेल्या नागरी समाज संघटना व संस्थांची नोंदणी अनिवार्य असून, ज्या पात्र संस्थांची अद्याप नोंदणी झालेली नाही, त्यांनी 31 डिसेंबर 2025 पर्यंत नोंदणी पूर्ण करावी, असे आवाहन जिल्हा परिषदेचे मुख्य कार्यकारी अधिकारी विशाल नरवाडे यांनी अधिकृत प्रसिद्धीपत्रकाद्वारे केले आहे.
दिव्यांग व्यक्ती हक्क अधिनियम, 2016 अंतर्गत कलम 49 ते 53 नुसार दिव्यांग क्षेत्रात कार्यरत असलेल्या सर्व संस्था व संघटनांची नोंदणी आवश्यक आहे. तथापि, सध्या जिल्ह्यात काही संस्था वैध नोंदणीशिवाय कार्यरत असल्याचे निदर्शनास आले असून, ही बाब अधिनियमातील कलम 50 चे उल्लंघन करणारी असल्याचे प्रशासनाकडून स्पष्ट करण्यात आले आहे.
या नोंदणी प्रक्रियेचा उद्देश दिव्यांगांसाठी कार्यरत संस्थांच्या कामकाजात एकसमानता राखणे, त्यांच्या जबाबदाऱ्या निश्चित करणे तसेच सेवांची गुणवत्ता सुनिश्चित करणे हा असल्याचे सांगण्यात आले आहे. यासाठी संघटना व संस्थांसाठी पात्रतेचे निकष निश्चित करण्यात आले आहेत.
पात्रतेचे निकष
दिव्यांग व्यक्तींच्या सक्षमीकरण, विकास व पुनर्वसन क्षेत्रात प्रत्यक्ष कार्यरत असलेली संस्था असणे आवश्यक आहे. संबंधित संस्था सोसायटी नोंदणी कायदा 1866, बॉम्बे पब्लिक ट्रस्ट कायदा 1950 किंवा कंपनी कायदा 2013 (कलम 8) अंतर्गत नोंदणीकृत असावी. तसेच दिव्यांग व्यक्ती हक्क अधिनियम 2016, केंद्र शासनाचे दिव्यांग व्यक्ती हक्क नियम 2017 आणि महाराष्ट्र राज्य दिव्यांग व्यक्ती हक्क नियमांनुसार पात्र असणे आवश्यक आहे.
नोंदणीसाठी आवश्यक कागदपत्रे
नोंदणीसाठी अर्ज करताना संस्थेचे नोंदणी प्रमाणपत्र, नोंदणी शुल्क भरल्याची पावती, वार्षिक अहवाल, मागील तीन वर्षांचे सनदी लेखापरीक्षण अहवाल तसेच वास्तूविषयक माहिती सादर करणे आवश्यक आहे. संस्था आर्थिकदृष्ट्या सक्षम असून स्वतःचे वित्तीय स्रोत असणे अपेक्षित आहे.
संबंधित संस्थांनी आपले अर्ज जिल्हा दिव्यांग सक्षमीकरण अधिकारी कार्यालय, सांगली येथे 31 डिसेंबर 2025 पर्यंत सादर करावेत. अधिक माहितीसाठी संबंधित कार्यालयाशी थेट संपर्क साधण्याचे आवाहन प्रशासनाकडून करण्यात आले आहे.
हेही वाचा: सांगलीत महानगरपालिका निवडणूक पार्श्वभूमीवर भित्तिपत्रके आढळली; अज्ञाताविरुद्ध गुन्हा दाखल.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
