सांगली : सांगली–मिरज–कुपवाड शहर महानगरपालिका निवडणुकीसाठी नामनिर्देशन प्रक्रियेला सुरुवात झाली असून उमेदवारी अर्ज विक्रीला इच्छुक उमेदवारांकडून मोठा प्रतिसाद मिळत आहे. पालिका प्रशासनाकडून देण्यात आलेल्या माहितीनुसार, शहरातील सहा निवडणूक निर्णय अधिकारी कार्यालयांतून अवघ्या तीन दिवसांत एकूण 1,667 उमेदवारी अर्जांची विक्री झाली आहे.
तिसऱ्या दिवशी एकाच दिवसात 521 अर्जांची विक्री नोंदविण्यात आली आहे. तसेच, 8 उमेदवारांनी प्रत्यक्ष नामनिर्देशन अर्ज दाखल केले आहेत. त्यामध्ये निवडणूक निर्णय अधिकारी कार्यालय क्रमांक 1 मधून 2, कार्यालय क्रमांक 5 मधून 5 आणि कार्यालय क्रमांक 6 मधून 1 अर्ज दाखल झाल्याची माहिती प्रशासनाने दिली आहे.
अर्ज विक्रीच्या आकडेवारीनुसार निवडणूक निर्णय अधिकारी कार्यालय क्रमांक 4 क्षेत्रात सर्वाधिक 300 अर्जांची विक्री झाली असून, इतर प्रभागांमध्येही इच्छुक उमेदवारांची संख्या लक्षणीय आहे. यामुळे आगामी महापालिका निवडणुकीबाबत सर्वच प्रभागांमध्ये उत्साहाचे वातावरण असल्याचे दिसून येत आहे.
महानगरपालिका आयुक्त तथा निवडणूक अधिकारी सत्यम गांधी यांच्या मार्गदर्शनाखाली प्रशासनाने निवडणूक प्रक्रिया पारदर्शक, शांततापूर्ण आणि नियमानुसार पार पाडण्यासाठी आवश्यक तयारी केली आहे. उमेदवारांनी निवडणूक आयोगाने दिलेल्या नियमांचे पालन करूनच पुढील प्रक्रिया पूर्ण करावी, असे आवाहन प्रशासनाकडून करण्यात आले आहे.
हेही वाचा: दिव्यांगांसाठी काम करणाऱ्या संस्थांनी या तारखेपर्यंत नोंदणी करणे आवश्यक: सांगली जिल्हा परिषदेचे आवाहन.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
