Sangli News | सांगली : काँग्रेसच्या शहर जिल्हाध्यक्ष पदाच्या निवडीवरून सुरू असलेल्या अंतर्गत वादात आता राष्ट्रवादी काँग्रेस (शरद पवार गट)ची थेट एन्ट्री झाल्याने सांगलीच्या राजकारणात नव्या चर्चांना उधाण आले आहे. राष्ट्रवादीचे ज्येष्ठ नेते आमदार जयंत पाटील यांनी काँग्रेस नेते मंगेश चव्हाण यांची भेट घेतल्याने या घडामोडीकडे सर्वांचे लक्ष वेधले गेले आहे.
जयंत पाटील आणि मंगेश चव्हाण यांच्यात सुमारे तासभर सविस्तर चर्चा झाल्याची माहिती आहे. काँग्रेसमध्ये शहर जिल्हाध्यक्ष पदासाठी मंगेश चव्हाण आणि राजेश नाईक ही दोन नावे चर्चेत असताना, चव्हाण यांना डावलून नाईक यांच्या नावाचे पत्र दिल्याची चर्चा सुरू आहे. त्यामुळे चव्हाण समर्थकांमध्ये नाराजीचे वातावरण निर्माण झाले आहे.
या पार्श्वभूमीवर मंगेश चव्हाण वेगळी राजकीय भूमिका घेण्याच्या तयारीत असल्याची चर्चा राजकीय वर्तुळात रंगू लागली आहे. यापूर्वी राष्ट्रवादीचे शहर जिल्हाध्यक्ष संजय बजाज यांनीही चव्हाण यांच्याशी चर्चा केल्याचे समोर आले होते. त्यानंतर थेट जयंत पाटील यांची भेट झाल्याने आगामी महापालिका निवडणुकीच्या पार्श्वभूमीवर राजकीय समीकरणे बदलण्याची शक्यता वर्तवली जात आहे.
महापालिका निवडणूक तोंडावर असताना काँग्रेसमधील अंतर्गत मतभेद आणि त्यात राष्ट्रवादीचा हस्तक्षेप हे संकेत आगामी राजकीय घडामोडींसाठी महत्त्वाचे मानले जात आहेत. या भेटीमागील नेमकी रणनीती काय, याबाबत अद्याप अधिकृत प्रतिक्रिया आलेली नसली तरी सांगलीच्या राजकारणात हालचालींना वेग आल्याचे स्पष्ट दिसत आहे.
हेही वाचा: ९० कोटींच्या निधीत सांगलीला डावलले? कोल्हापूरसह पाच महापालिकांना लाभ, सांगलीच्या पदरात शून्य.
- बैलगाडी शर्यतीला गेलेल्या युवकाची मोटारसायकल चोरी; रेठरेधरण येथील घटना
- दिघंची बसस्थानकाजवळील दुकान फोडले; 1.21 लाखांचा ऐवज लंपास
- सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या
- होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
