सांगली : धामणी रोडवरील हसरा चौक रस्ता 17 ते 22 जानेवारी 2026 या कालावधीत वाहतुकीसाठी बंद ठेवण्यात येणार असून, या कालावधीत वाहतूक पर्यायी मार्गाने वळवण्यात येणार आहे. याबाबतचे आदेश जिल्हाधिकारी अशोक काकडे यांनी मोटार वाहन कायदा 1988 च्या कलम 115 व 116 अन्वये निर्गमित केले आहेत.
रस्ता बंद ठेवण्याच्या कालावधीत नागरिकांना गैरसोय होऊ नये यासाठी प्रशासनाने पर्यायी वाहतूक मार्ग निश्चित केले आहेत. संबंधित अटी व शर्तींच्या अधीन राहून वाहतूक या मार्गांवरून सुरू राहणार आहे.
पर्यायी वाहतूक मार्ग
1) इनाम धामणीहून सांगली शहराकडे येणाऱ्या वाहनांसाठी :
इनाम धामणी → हॉरिझोन्टल हॉस्पिटल → डावीकडे वळून उषःकाल हॉस्पिटल → तक्षशिला रोड → 100 फुटी रोड मार्गे शहरात ये–जा करता येईल.
2) इनाम धामणीहून सांगली शहराकडे जाण्याचा दुसरा मार्ग :
इनाम धामणी → जुना जकात नाका → वसंतराव शिंदे मार्ग → लिमये चौक → स्फूर्ती चौक → एम.एस.ई.बी. रोड मार्गे शहरात ये–जा करता येईल.
3) शांतीबन चौकाकडून इनाम धामणीकडे जाणाऱ्या वाहनांसाठी :
शांतीबन चौक → 100 फुटी रोड → डी-मार्ट पुढे डावीकडे वळून → तक्षशिला रोड → उषःकाल हॉस्पिटल → हॉरिझोन्टल हॉस्पिटल → उजवीकडे वळून धामणीकडे जाता येईल.
दरम्यान, नागरिकांनी या कालावधीत पर्यायी मार्गांचा वापर करून प्रशासनास सहकार्य करावे, असे आवाहन करण्यात आले आहे.
हेही वाचा: आकाशवाणी सांगलीत काम करण्याची संधी; अर्ज करण्याची अंतिम मुदत 30 जानेवारी.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
