सांगली : सावळी–तानंग रस्त्यावर बुधवारी दुपारी झालेल्या भीषण अपघातात दुचाकीस्वाराचा जागीच मृत्यू झाला. मालवाहतूक रिक्षाने समोरून येणाऱ्या दुचाकीला धडक दिल्याने हा अपघात घडल्याची प्राथमिक माहिती पोलिसांकडून देण्यात आली आहे.
या अपघातात आनंदा सिद्धा मेटकरी (वय ४५, रा. संजयनगर, सांगली) यांचा जागीच मृत्यू झाला. ते बुधवारी दुपारी दुचाकीवरून तानंग मार्गे सावळीकडे जात असताना, एका कोल्ड स्टोअरेजसमोर समोरून येणाऱ्या मालवाहतूक रिक्षाने त्यांच्या दुचाकीला जोरदार धडक दिली.
धडकेनंतर आनंदा मेटकरी हे रस्त्यावर पडले. डोक्याला व हाता पायाला गंभीर दुखापत झाल्याने त्यांचा जागीच मृत्यू झाला. या प्रकरणी मृत मेटकरी यांचे भाचे दीपक दुधाळ यांनी कुपवाड पोलिस ठाण्यात तक्रार दाखल केली आहे. त्यानुसार मालवाहतूक रिक्षा चालक विजय गणपती कोरे (वय ४७, रा. मिरज) याच्याविरोधात कुपवाड पोलीस ठाण्यात गुन्हा दाखल करण्यात आला आहे.
हेही वाचा: सलग चार दिवस बँका बंद राहणार; 27 जानेवारीला देशव्यापी बँक संप.
- बैलगाडी शर्यतीला गेलेल्या युवकाची मोटारसायकल चोरी; रेठरेधरण येथील घटना
- दिघंची बसस्थानकाजवळील दुकान फोडले; 1.21 लाखांचा ऐवज लंपास
- सांगली महानगरपालिका भरतीच्या नावाने फसवणूक? सोशल मीडियावरील जाहिराती खोट्या
- होळीच्या रात्री पुणे–बेंगलोर महामार्गावर हिट अँड रन; पेठनाक्याजवळ 55 वर्षीय वेटरचा मृत्यू
- इस्राईल-इराण तणाव; दुबईला गेलेल्या कुपवाडमधील 30–35 पर्यटकांशी संपर्क, सुरक्षिततेबाबत प्रशासनाच्या हालचाली सुरू
- सांगली मनपाच्या पहिल्या महासभेत मोठा निर्णय; 30 कोटींच्या नाट्यगृहाला मंजुरी, स्थायी समिती गठीत
