सांगली : सांगली–मिरज–कुपवाड शहर महानगरपालिका निवडणूक 2025–26 चा निकाल जाहीर झाल्यानंतर सत्तास्थापनेच्या दृष्टीने राजकीय हालचाली सुरु झाल्या आहेत. या पार्श्वभूमीवर सांगलीचे पालकमंत्री चंद्रकांत पाटील यांनी महत्त्वाचे संकेत दिले असून, शिवसेना (शिंदे गट) सोबत सत्ता स्थापन केली जाईल, असे त्यांनी स्पष्ट केले आहे. यासोबतच अजित पवार यांच्या राष्ट्रवादी काँग्रेस गटालाही सोबत घेण्याबाबत सकारात्मक भूमिका व्यक्त केली आहे.
पालकमंत्री चंद्रकांत पाटील यांनी माध्यमांशी बोलताना सांगितले की, शिवसेनेचे दोन नगरसेवक निवडून आल्यामुळे भाजपचे संख्याबळ 41 वर पोहोचते आणि बहुमतासाठी आवश्यक असलेली 40 ची संख्या आधीच पूर्ण होते. त्यामुळे शिवसेनेसह सत्ता स्थापन करणे स्वाभाविक असल्याच ते म्हणाले.
अजित पवार गटाबाबत बोलताना चंद्रकांत पाटील म्हणाले की, राष्ट्रवादी काँग्रेस (अजित पवार) गटातील स्थानिक नगरसेवकांनी तसा प्रस्ताव दिल्यास आणि वरिष्ठ पातळीवर चर्चा झाल्यास, त्यांचेही स्वागत केले जाईल. मात्र, याबाबतचा निर्णय हा त्या पक्षाच्या स्थानिक नेतृत्वावर आणि वरिष्ठांशी होणाऱ्या चर्चांवर अवलंबून असेल, असेही त्यांनी स्पष्ट केले.
दरम्यान, महापालिकेतील सध्याच्या संख्याबळानुसार भारतीय जनता पक्षाने 39 जागांवर विजय मिळवला असून, शिवसेना (शिंदे गट) ने 2, राष्ट्रवादी काँग्रेस (अजित पवार) गटाने 16, काँग्रेसने 18 आणि राष्ट्रवादी काँग्रेस (शरद पवार) गटाने 3 जागा मिळवल्या आहेत. या निकालामुळे बहुपक्षीय सभागृह तयार झाले असून, सत्तास्थापनेसाठी विविध पर्याय खुले असल्याचे स्पष्ट आहे.
सत्तास्थापनेबाबत अंतिम निर्णय हा संबंधित पक्षांच्या स्थानिक नेत्यांतील चर्चा, वरिष्ठ पातळीवरील समन्वय आणि अधिकृत बैठकीनंतर स्पष्ट होणार असून, पुढील काही दिवसांत याबाबत अधिक स्पष्टता येण्याची शक्यता आहे.
हेही वाचा: आयटी पार्क, विमानतळ, सेफ सिटी—भाजपच्या जाहीरनाम्यातील मोठ्या घोषणा प्रत्यक्षात कधी उतरणार?.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
