सांगली : तासगाव तालुक्यातील उपळावी येथील एका शाळेत इयत्ता सहावीतील विद्यार्थिनीला मानसिक व शारीरिक त्रास दिल्याचा आरोप करत मुख्याध्यापकांसह काही शिक्षकांविरोधात तासगाव पोलिस ठाण्यात गुन्हा दाखल करण्यात आला आहे.
पोलिसांकडून मिळालेल्या माहितीनुसार, उपळावी येथील न्यू इंग्लिश स्कूलमध्ये शिकणाऱ्या एका विद्यार्थिनीला शाळेतील काही शिक्षकांकडून वारंवार त्रास दिला जात असल्याची तक्रार तिच्या वडिलांनी केली आहे.
तक्रारीनुसार, मुलीच्या वडिलांनी शाळेच्या पालक मिटींगमध्ये बोलल्याचा राग मनात धरुन विद्यार्थिनीला किरकोळ कारणांवरून मारहाण करणे, वर्गात सर्वांसमोर उभे करून तिचा अपमान करणे तसेच शाळेच्या आवारात गवत काढायला लावणे असे प्रकार घडल्याचा आरोप करण्यात आला आहे. या प्रकारामुळे विद्यार्थिनी मानसिकदृष्ट्या खचल्याचेही तक्रारीत नमूद करण्यात आले आहे.
या प्रकरणी शाळेचे मुख्याध्यापक आणि काही शिक्षकांविरोधात अल्पवयीन मुलांच्या संरक्षणासंबंधी कायद्यांतर्गत गुन्हा दाखल करण्यात आला असून तासगाव पोलिस पुढील तपास करत आहेत.
हेही वाचा: पाण्याच्या शिंतोड्यांवरून वाद; जत येथे दहावीच्या विद्यार्थ्यावर पाईपने हल्ला.
- अपघातात मृत्यू झाल्यास शेतकऱ्यांना 2 लाखांची मदत; ‘गोपीनाथ मुंडे शेतकरी अपघात सुरक्षा सानुग्रह अनुदान योजना’
- सांगलीत गॅसचा काळाबाजार रोखण्यासाठी मोठी कारवाई; ३७ एजन्सींची तपासणी, ३ जणांना अटक
- सांगली-मिरज-कुपवाड महापालिकेत समित्यांचे सभापती बिनविरोध; अतुल माने स्थायी समितीचे सभापती
- कडेगाव वांगी हिट अँड रन प्रकरण; जखमी मजुराचा उपचारादरम्यान मृत्यू
- 1 एप्रिल 2023 नंतर जन्मलेल्या मुलींना मिळणार 1.01 लाख रुपये; संपूर्ण माहिती जाणून घ्या
- 7/12 दुरुस्ती, दाखले, PM-Kisan व इतर सरकारी योजनांचा लाभ एकाच ठिकाणी; बुधगाव येथे 14 मार्चला विशेष शिबिर
