Sangli News | सांगली : जिल्ह्यात सुगंधी तंबाखू, सुपारी आणि मावा विक्री करणाऱ्या पानटपऱ्या व दुकानदारांवर कडक कारवाई करण्याचे स्पष्ट आदेश जिल्हाधिकारी अशोक काकडे यांनी दिले आहेत. तंबाखू सेवनामुळे होणाऱ्या गंभीर दुष्परिणामांबाबत नागरिकांमध्ये प्रभावी जनजागृती करण्यावरही त्यांनी भर दिला.
जिल्हाधिकारी कार्यालयात शुक्रवारी झालेल्या राष्ट्रीय तंबाखू नियंत्रण जिल्हा समन्वय समितीच्या बैठकीत ते बोलत होते. जिल्ह्यात सुरू असलेल्या कारवाईचा आढावा घेताना, नियमभंग करणाऱ्यांवर दंडात्मक व कायदेशीर कारवाई करण्याचे निर्देश त्यांनी संबंधित यंत्रणांना दिले.
या बैठकीला समितीचे सदस्य सचिव तथा जिल्हा शल्यचिकित्सक डॉ. विक्रमसिंह कदम, जिल्हा सल्लागार डॉ. मुजाहिद आलासकर यांच्यासह विविध विभागांचे अधिकारी उपस्थित होते. डॉ. आलासकर यांनी राष्ट्रीय तंबाखू नियंत्रण कार्यक्रमांतर्गत राबविण्यात येणाऱ्या उपक्रमांची माहिती दिली.
जिल्हाधिकारी काकडे यांनी स्पष्ट केले की, शालेय परिसर, सार्वजनिक ठिकाणे तसेच पानटपऱ्यांवर बेकायदेशीररित्या विक्री होणाऱ्या सुगंधी तंबाखू आणि माव्यावर विशेष लक्ष ठेवण्यात यावे. अन्न व औषध प्रशासन, पोलीस विभाग, शिक्षण विभाग, कृषी विभाग, विक्री कर विभाग, कामगार कल्याण विभाग आणि आरोग्य विभाग यांनी समन्वयाने कारवाई करावी, असेही त्यांनी निर्देशित केले.
तंबाखू सेवनामुळे कर्करोगासह अनेक गंभीर आजार होण्याचा धोका वाढतो. त्यामुळे केवळ कारवाईपुरती मर्यादा न ठेवता, नागरिकांमध्ये जनजागृती मोहिमा अधिक प्रभावीपणे राबवाव्यात, असे आवाहनही जिल्हाधिकाऱ्यांनी केले.
हेही वाचा: निवडणूक आली की विकासाच्या घोषणा; निवडणुकीनंतर प्रश्न जैसे थे.
- Gold Rate Today: दिवाळी खरेदीत सोन धडाम; २२K आणि २४K चे भाव किती उतरले? पाहा पीएनजीचे आजचे ताजे दर
- FASTag Local Pass: टोल नाक्यावर रांगेत थांबण्याचा मनस्ताप संपला! ‘राजमार्गयात्रा’ ॲपवरून घरबसल्या कसा काढायचा लोकल पास? जाणून घ्या नियम
- Nagpur Goa Shaktipeeth Expressway: नागपूर-गोवा शक्तिपीठ महामार्गाच्या मोजणीला सांगली, कोल्हापुरात पुन्हा वेग; कोणत्या जिल्ह्यातून किती किमी जाणार? पाहा सविस्तर आकडेवारी
- Gold Rate Today: सोन्याच्या दरात मोठी घसरण; २८ ऑक्टोबरनंतर भाव आणखी कोसळणार की तेजी येणार? खरेदीपूर्वी पाहा पीएनजीचे आजचे दर (२५ ऑक्टोबर २०२६)
- Ladki Bahin Yojana: दिवाळी सणासाठी लाडक्या बहिणींना मोठा दिलासा? खात्यात १५०० जमा होणार की ३०००? पाहा नेमकी स्थिती
- Maharashtra Weather: राज्यात धो-धो पाऊस? २७ ते २९ ऑक्टोबरदरम्यान हवामानात मोठा उलटफेर; उकाड्यात पावसाची चाहूल
