सांगली : राज्य शासनाच्या १५० दिवसांच्या ई-गव्हर्नन्स सुधारणा कार्यक्रमांतर्गत करण्यात आलेल्या मूल्यांकनात सांगली जिल्हा परिषद मुख्य कार्यकारी अधिकारी कार्यालयाने राज्यात दुसरा क्रमांक मिळविला आहे. मुख्य कार्यकारी अधिकारी विशाल नरवाडे व त्यांच्या टीमच्या नेतृत्वाखाली शासकीय कामकाजात तंत्रज्ञानाचा प्रभावी वापर आणि डिजिटल सेवा सक्षमपणे राबवल्याबद्दल हा सन्मान मिळाला.
ई-गव्हर्नन्स सुधारणा कार्यक्रमात कार्यालयाची वेबसाइट, ‘आपले सरकार’ प्रणाली, ई-ऑफिस, प्रशासकीय डॅशबोर्ड, व्हॉट्सअॅप चॅटबॉट, कृत्रिम बुद्धिमत्ता (AI) व ब्लॉकचेनचा वापर तसेच GIS आधारित कामकाज अशा सात निकषांवर आधारित मूल्यांकन करण्यात आले. २६ जानेवारी २०२६ रोजी या निकषांवर उल्लेखनीय कामगिरी करणाऱ्या शासकीय कार्यालयांची निवड जाहीर करण्यात आली होती.
निवडणूक आचारसंहितेमुळे प्रलंबित ठेवण्यात आलेल्या जिल्हा परिषद संवर्गाचा निकाल आज जाहीर करण्यात आला असून, या मूल्यांकनात पुणे जिल्हा परिषद प्रथम, सांगली दुसऱ्या क्रमांकावर तर ठाणे, नागपूर आणि नाशिक जिल्हा परिषदा अनुक्रमे तिसऱ्या, चौथ्या व पाचव्या क्रमांकावर आहेत.
१५० दिवसांच्या ई-गव्हर्नन्स कार्यक्रमात उत्कृष्ट कामगिरी करणाऱ्या जिल्हा परिषदांच्या मुख्य कार्यकारी अधिकारी आणि त्यांच्या कार्यसंघाचे मुख्यमंत्री देवेंद्र फडणवीस यांनी अभिनंदन केले असून, लवकरच सर्व विजेत्यांचा राज्य शासनातर्फे गौरव करण्यात येणार असल्याचे सांगण्यात आले.
हेही वाचा: सांगलीत राष्ट्रवादी (शरद पवार) सर्वात मोठा पक्ष; भाजप दुसऱ्या क्रमांकावर.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
