सांगली : कसबेडिग्रज (ता. मिरज) परिसरात अवैधरित्या गौण खनिज मातीची वाहतूक सुरू असल्याचे उघडकीस येताच महसूल विभागाने मोठी कारवाई केली. अप्पर तहसीलदार अश्विनी वरुटे यांच्या पथकाने छापा टाकून दोन ट्रॅक्टर आणि एक जेसीबी जप्त केला आहे.
कारवाईदरम्यान परवाना नसताना सुमारे सहा ब्रास मातीची वाहतूक होत असल्याचे आढळून आले. याप्रकरणी सुशांत सुरेश कदम यांना नोटीस बजावण्यात आली असून, त्यांच्यावर ₹9 लाख 59 हजार 690 रुपयांचा दंड ठोठावण्यात आला आहे.
जप्त करण्यात आलेली वाहने महसूल विभागाच्या ताब्यात घेण्यात आली असून, संबंधित प्रकरणाची पुढील चौकशी सुरू आहे. अवैध उत्खनन आणि गौण खनिज वाहतुकीमुळे शासनाचा मोठा महसूल बुडत असल्याने अशा प्रकारांवर कठोर पावले उचलली जात असल्याचे प्रशासनाने स्पष्ट केले आहे.
दरम्यान, अप्पर तहसीलदार अश्विनी वरुटे आणि नायब तहसीलदार मनोहर पाटील यांनी अवैध गौण खनिज उत्खनन व वाहतुकीविरोधात पुढील काळातही कारवाई अधिक तीव्र करण्यात येईल, असा इशारा दिला आहे.
हेही वाचा: भाजप उमेदवार निवडीसाठी 13–14 डिसेंबरला मुलाखती; 20 प्रभागांतील इच्छुकांची छाननी.
- तासगाव फाट्याजवळ टेम्पोने अचानक वळण घेतल्याने अपघात; आयशर टेम्पोखाली सापडून दुचाकीस्वार गंभीर जखमी
- सांगली पेठभाग भाजी मंडईतील ₹20.50 लाखांचा काँक्रिट रस्ता 6 महिन्यांत पूर्ण होणार का? नागरिकांचे लक्ष
- सांगली पोलीस भरती 2024-25; 737 उमेदवार लेखी परीक्षेस पात्र, अधिकृत यादी जाहीर
- गंभीर गुन्ह्यांच्या पार्श्वभूमीवर जत तालुक्यातील हिप्परकर टोळी तडिपार; सांगली-सोलापूर जिल्ह्यात प्रवेशबंदी
- भिलवडीजवळ अज्ञात वाहनाच्या धडकेत दुचाकीस्वाराचा मृत्यू; वाहनचालक फरार
- एनओसीवरून वाद पेटला; सांगलीत वकिलाच्या घरात घुसून धमकी, चौघांवर गुन्हा
