Sangli News Today | मिरज : शहरात वाढत्या गुन्हेगारीवर नियंत्रण मिळवण्यासाठी राबविण्यात येत असलेल्या विशेष मोहिमेत मिरज शहर पोलिसांनी मोठी कारवाई करत बेकायदेशीर शस्त्र बाळगणाऱ्या दोघांना अटक केली आहे. या कारवाईत पोलिसांनी देशी बनावटीचे पिस्टल, जिवंत काडतुसे आणि चारचाकी वाहन असा एकूण 10 लाख 42 हजार रुपयांचा मुद्देमाल जप्त केला आहे.
मिरज शहरातील महात्मा गांधी चौक परिसरात नाकाबंदी दरम्यान पोलिसांनी संशयास्पद चारचाकी वाहनाची तपासणी केली. तपासणीदरम्यान वाहनामधून एक गावठी बनावटीचे पिस्टल आणि दोन जिवंत काडतुसे आढळून आली. यानंतर पोलिसांनी तत्काळ कारवाई करत दस्तगीर शौकत बावा (वय 37) आणि अझल महंमद मदार सय्यद (वय 32, दोघे रा. इसापुरे गल्ली, मिरज) यांना ताब्यात घेतले.
या कारवाईत 40 हजार रुपये किमतीचे देशी पिस्टल, दोन हजार रुपये किमतीची काडतुसे आणि सुमारे 10 लाख रुपये किमतीची टोयोटा इनोव्हा कार असा मुद्देमाल जप्त करण्यात आला आहे. या प्रकरणी मिरज शहर पोलिस ठाण्यात भारतीय हत्यार अधिनियमान्वये गुन्हा दाखल करण्यात आला असून पुढील तपास सुरू आहे.
पोलीस अधीक्षक संदीप घुगे, अपर पोलीस अधीक्षक कल्पना बारवकर आणि उपविभागीय पोलीस अधिकारी प्रणिल गिल्डा यांच्या मार्गदर्शनाखाली पोलीस निरीक्षक किरण चौगुले आणि त्यांच्या पथकाने ही कारवाई यशस्वीपणे पार पाडली. शहरात कायदा व सुव्यवस्था अबाधित राखण्यासाठी अशा धडक कारवाया पुढेही सुरू राहणार असल्याचे पोलिसांकडून सांगण्यात आले आहे.
हेही वाचा: शिक्षक बँकेतील 20 लिपिक पदांच्या भरतीला स्थगिती, मनमानी कारभारावर संचालकांचा आक्षेप.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
