Sangli Today | ईश्वरपूर : पुसेसावळी–वाकुर्डे बुद्रुक रस्त्यावर सुरू असलेल्या कामादरम्यान रस्त्यात टाकलेल्या दगडांच्या ढिगाला दुचाकी धडकल्याने झालेल्या भीषण अपघातात हुतात्मा सहकारी साखर कारखान्याचे माजी संचालक जयवंतराव ऊर्फ जयकर यशवंतराव चव्हाण (वय 56, रा. नवेखेड) यांचा जागीच मृत्यू झाला. ही दुर्घटना शुक्रवारी रात्री फार्णेवाडी–बोरगावदरम्यान घडली.
पुसेसावळी ते वाकुर्डे बुद्रुक या मार्गावर रस्त्याचे काम सुरू असून बहे हायस्कूल ते फार्णेवाडी या टप्प्यातील बहुतांश काम पूर्ण झाले आहे. मात्र फार्णेवाडीनजीक जमदाडे वस्ती परिसरात दगडी पिचिंगसाठी मोठ्या प्रमाणात दगड रस्त्यावर टाकण्यात आले आहेत. या दगडांमुळे रस्त्यात मोठा अडथळा निर्माण झाला आहे.
शुक्रवारी रात्री सुमारे साडेनऊच्या सुमारास जयकर चव्हाण हे आपल्या दुचाकीवरून (MH 10 A 1800) बहे हायस्कूलकडून नवेखेडच्या दिशेने जात असताना रस्त्यातील दगडांच्या ढिगाला त्यांची दुचाकी धडकली. अपघातात त्यांचे डोके जोरात रस्त्यावर आदळल्याने मोठ्या प्रमाणात रक्तस्राव झाला आणि त्यांचा जागीच मृत्यू झाला.
जयकर चव्हाण हे नवेखेड सर्वसेवा सहकारी संस्थेचे माजी अध्यक्ष होते. याशिवाय त्यांनी हुतात्मा सहकारी साखर कारखाना तसेच हुतात्मा सहकारी दूध संघामध्ये माजी संचालक म्हणूनही काम पाहिले होते. त्यांच्या आकस्मिक निधनाने परिसरात हळहळ व्यक्त केली जात आहे.
ईश्वरपूर पोलीस ठाण्यात अपघाताची नोंद करण्यात आली आहे, रस्त्यावर सुरक्षेच्या उपाययोजना का करण्यात आल्या नव्हत्या असा प्रश्न नागरिक करत आहेत.
हेही वाचा: मिरजेत शस्त्रविक्रीसाठी आलेल्यास अटक; निवडणूक पार्श्वभूमीवर पोलिसांची कारवाई
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
