हरिपूर (ता. मिरज) : महाशिवरात्रीनिमित्त हरिपूर येथील संगमेश्वर मंदिरात दिवसभर भाविकांची मोठी गर्दी उसळली. कृष्णा-वारणा संगमावर वसलेल्या या मंदिरात पहाटेपासूनच “ॐ नमः शिवाय”, ‘हर हर महादेव’च्या जयघोषाने वातावरण दुमदुमले.
काकड आरती, रुद्राभिषेक, महाआरती, दुपारी महापूजा आणि सायंकाळी पालखी सोहळा अशा विविध धार्मिक कार्यक्रमांचे आयोजन करण्यात आले होते. दिवसभर मंदिर परिसरात दर्शनासाठी रांगा लागल्या होत्या.
रात्री दहा वाजेपर्यंतही मंदिरात दर्शनासाठी भाविकांच्या लांबच लांब रांगा दिसून येत होत्या. रविवारची सुटी आणि महाशिवरात्र एकत्र आल्याने संध्याकाळनंतर मंदिरात दर्शनासाठी मोठी गर्दी झाली.
देवस्थान समितीतर्फे पिण्याच्या पाण्याची, पार्किंगची तसेच सुरक्षेची व्यवस्था करण्यात आली होती. चोख पोलिस बंदोबस्तही तैनात करण्यात आला होता. यात्रेनिमित्त मंदिर परिसरात विविध खेळणी, खाद्य दुकानांची रेलचेल होती.
महाशिवरात्रीनिमित्त हरिपूरमध्ये दिवसभर शिवभक्तांचा उत्साह आणि श्रद्धेचा माहोल पाहायला मिळाला.
हेही वाचा: शिवरायांच्या संदर्भातील वक्तव्यावरून सांगलीत राजकीय तापमान वाढले; काँग्रेस भवनसमोर भाजपचा निषेध.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
