मिरज : तालुक्यातील म्हैसाळ येथे सुरू असलेल्या यात्रेदरम्यान वैरण बाजार परिसरातून पार्क केलेली मोटारसायकल चोरीस गेल्याची घटना घडली आहे. याप्रकरणी मिरज ग्रामीण पोलिस ठाण्यात अज्ञात चोरट्याविरुद्ध गुन्हा नोंद करण्यात आला आहे.
मिळालेल्या माहितीनुसार, फिर्यादी हे कागवाड येथील साखर कारखान्यात मशीन ऑपरेटर म्हणून काम करतात. 28 फेब्रुवारी रोजी रात्री सुमारे 8.30 वाजता त्यांनी आपल्या बहिणीला म्हैसाळ यात्रेत सोडण्यासाठी मोटारसायकलवरून तेथे येऊन वैरण बाजारजवळ रस्त्याकडेला गाडी पार्क केली होती.
यानंतर रात्री सुमारे 8.45 वाजता ते परत मोटारसायकलजवळ आले असता गाडी लावलेल्या ठिकाणी दिसून आली नाही. परिसरात शोध घेतला तसेच नातेवाईक व मित्रांच्या मदतीने म्हैसाळ आणि आसपासच्या भागात शोधाशोध केली, मात्र मोटारसायकल सापडली नाही.
चोरीस गेलेली मोटारसायकल लाल रंगाची हिरो स्प्लेंडर प्लस (क्रमांक MH-09-DU-2367) असून तिची अंदाजे किंमत 20 हजार रुपये असल्याचे फिर्यादीत नमूद करण्यात आले आहे.
या प्रकरणी मिरज ग्रामीण पोलिस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास सुरू आहे.
येथे वाचा: Sangli Crime News In Marathi.
हेही वाचा: सांगली जिल्ह्यातील 44 नागरिक आखाती देशांत अडकले ; प्रशासन सतर्क.
- बंगळुरू-मुंबई स्लीपर वंदे भारतवरून नवा वाद; सांगली-बेळगावला डावलले जाणार?
- सांगलीत युवा पिढीला तंबाखूपासून दूर राहण्याचे आवाहन; 2025-26 या वर्षात एकूण 2361 जणांचे समुपदेशन
- सांगली जिल्ह्यात 16 मेपासून जनगणना 2027 चा पहिला टप्पा सुरू; 4,421 प्रगणक घराघरात जाऊन डिजिटल घरगणना करणार
- कवठेमहांकाळ शासकीय वसतिगृहात मोफत प्रवेश सुरू; 8 वी ते पदवी विद्यार्थ्यांना मोठी संधी
- बिरोबा देवस्थान पर्यटन विकासासाठी ₹149 कोटींच्या आराखड्यास मंजुरी
- संखमध्ये महावितरण कर्मचाऱ्याचा गोळ्या झाडून खून; तीन तासांत दोघांना अटक
