मिरज : शहरातील शिवाजी पुतळा चौक परिसरात एका कॅफेत कोयत्याचा धाक दाखवत तरुणांकडून लूट केल्याची घटना समोर आली आहे. या प्रकारामुळे परिसरात काही काळ भीतीचे वातावरण निर्माण झाले.
पोलीसांकडून मिळालेल्या माहितीनुसार, 26 मार्च रोजी रात्री सुमारे 10 वाजण्याच्या सुमारास ‘ब्रदर्स अड्डा’ कॅफेमध्ये चार तरुण कोयते घेऊन घुसले. त्यांनी कॅफेतील कर्मचाऱ्यांना धमकावत गल्ल्यातील पैसे देण्यास भाग पाडले.
या वेळी संशयितांनी काउंटरवर कोयता फेकून दहशत निर्माण केली तसेच “पोलीसांत तक्रार केली तर जिवंत ठेवणार नाही” अशी धमकी दिल्याचे फिर्यादीत नमूद आहे. त्यानंतर त्यांनी गल्ल्यातील रोख रक्कम जबरदस्तीने घेऊन पळ काढला.
या घटनेमुळे परिसरातील दुकानदारांनी भीतीपोटी दुकाने बंद केली.
या प्रकरणी सौरभ पोतदार, ओंकार साळुंखे, आकाश फोंडे आणि सार्थक जाधव यांच्याविरुद्ध मिरज शहर पोलीस ठाण्यात गुन्हा दाखल करण्यात आला असून पुढील तपास सुरू आहे.
हेही वाचा: खिशातून रुमाल काढताना अपघात; वाळव्याच्या तरुणाचा मृत्यू.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
