Jat News Today: जत तालुक्याच्या पूर्वभागात गेल्या काही तासांपासून मुसळधार पावसाची नोंद झाली असून, अनेक ओढे-नाले भरून वाहत आहेत. यामुळे काही गावांचा संपर्क तुटल्याची माहिती समोर आली आहे. स्थानिक प्रशासनाने याबाबत नागरिकांना सतर्कतेचा इशारा दिला आहे.
सध्या परिसरात पाणी पातळी वाढत असून, पूल व नाल्यांवरून वाहतूक धोकादायक ठरू शकते. त्यामुळे नागरिकांनी अनावश्यक बाहेर न पडण्याचे आणि सुरक्षिततेच्या सूचनांचे पालन करण्याचे आवाहन करण्यात आले आहे.
नागरिकांना प्रशासनाचे आवाहन:
- ओढे, नाले, पुलांवरून प्रवास टाळावा.
- शाळकरी मुले, वयोवृद्ध व महिलांची विशेष काळजी घ्यावी.
- गरज नसल्यास घराबाहेर पडू नये.
- प्रशासनाच्या सूचनांकडे लक्ष द्यावे व त्यांचे पालन करावे.
प्रशासनाने सर्व नागरिकांना संयम बाळगून सुरक्षित राहण्याचे आवाहन केले आहे.
हेही वाचा: शरद पवारांचा मुख्यमंत्री फडणवीसांना फोन; भाजप आमदार पडळकरांच्या वक्तव्यावर नाराजी.
