सांगली : वाळवा तालुक्यातील येलूर येथे लोकनेते स्व. राजाराम बापू पाटील यांच्या फोटोची विटंबना झाल्याचा प्रकार समोर आला असून, या घटनेमुळे परिसरात तीव्र संताप व्यक्त केला जात आहे. स्व. पाटील यांचा फोटो असलेल्या पोस्टरवर काळा रंग फासून, टाचण्या टोचण्यात आल्याचे तसेच लिंबू-केळी ठेवून तो रस्त्याच्या कडेला फेकून दिल्याचे आढळून आले आहे.
या प्रकारावर आमदार रोहित पाटील यांनी तीव्र प्रतिक्रिया व्यक्त केली आहे. पुरोगामी महाराष्ट्रात अशा प्रकारे एका दिवंगत लोकनेत्याच्या फोटोची विटंबना होणे निंदनीय व संतापजनक असल्याचे त्यांनी म्हटले आहे. संबंधित समाजकंटकांचा शोध घेऊन त्यांच्याविरोधात कठोर कारवाई करण्यात यावी, अशी मागणी त्यांनी पोलीस प्रशासनाकडे केली आहे.
दरम्यान, जिल्हा परिषद व पंचायत समिती निवडणुकांच्या पार्श्वभूमीवर हा प्रकार घडल्याने कायदा व सुव्यवस्थेचा प्रश्न निर्माण झाला असून, घटनेमागील नेमका हेतू काय याचा तपास पोलिसांकडून सुरू असल्याची माहिती आहे.
हेही वाचा: पंचायत समिती नामांकन फॉर्मसाठी २०० रुपयांची लाच; महसूल सहायकाला लाचलुचपत प्रतिबंधक पथकाने रंगेहाथ पकडले.
- जतच्या पाणीटंचाईवरून सर्वपक्षीय आंदोलन; म्हैसाळचे आवर्तन, टँकरसह 7 मागण्यांसाठी रास्ता रोको
- सांगलीत दूध घेऊन घरी चाललेल्या महिलेच्या गंठणाला हिसका; अंधाराचा फायदा घेत चोरटा पसार
- मिरजेत एसटी वाहकाला वाचवताना पोलिसावर हल्ला; धारदार हत्याराने भोसकले
- Sangli Crime: विट्यात शिक्षिकांना अश्लील पत्रे पाठविल्याचा आरोप; कडेगावातील संशयिताला अटक
- पुण्यातून वृद्धाचे अपहरण, सांगलीत मारहाणीत मृत्यू; कॅनॉलमध्ये मृतदेह टाकल्याचा पोलिसांचा उलगडा
- Sangli Accident: रेणावी घाट अपघातातील मृतांच्या वारसांना प्रत्येकी ₹१० लाखांची मदत
