सांगली : शहरातील रस्ता अपघातांचे प्रमाण कमी करणे आणि नागरिकांमध्ये सुरक्षित वाहनचालनाबाबत जागरूकता निर्माण करण्याच्या उद्देशाने सांगली पोलिसांच्या वतीने वाळवा तालुक्यातील पेठ नाका परिसरात रस्ता सुरक्षा अभियानांतर्गत पथनाट्य कार्यक्रमाचे आयोजन करण्यात आले.
दिनांक २० जानेवारी २०२६ रोजी सायंकाळी ४.३० ते ५.१५ या वेळेत पार पडलेल्या या उपक्रमात वाहतूक शाखा ईश्वरपूर, महामार्ग पोलीस विभाग, राष्ट्रीय महामार्ग प्राधिकरण तसेच अदानी कंपनी यांच्या संयुक्त विद्यमाने कार्यक्रम राबवण्यात आला.
या पथनाट्यात शासकीय औद्योगिक प्रशिक्षण संस्था (ITI), सोलापूर येथील विद्यार्थ्यांनी सहभाग घेत रस्ता अपघातांचे भयावह परिणाम प्रभावी आणि वास्तवदर्शी पद्धतीने सादर केले. त्यांच्या सादरीकरणातून अपघातांमुळे होणारे मानवी, सामाजिक आणि आर्थिक नुकसान ठळकपणे मांडण्यात आले.
पथनाट्यात हेल्मेट व सीट बेल्ट वापरण्याचे महत्त्व, वेगमर्यादा पाळण्याची गरज, वाहन चालविताना मोबाईलचा वापर टाळणे तसेच मद्यपान करून वाहन चालवू नये, याबाबत ठोस आणि परिणामकारक संदेश देण्यात आला.
या कार्यक्रमाला नागरिक, वाहनचालक तसेच कामगारांनी मोठ्या संख्येने सहभाग नोंदवत उपक्रमाचे स्वागत केले. अशा प्रकारच्या जनजागृती उपक्रमांमुळे रस्ता सुरक्षिततेबाबत नागरिकांमध्ये सकारात्मक बदल घडेल, असा विश्वास सांगली पोलिस प्रशासनाकडून व्यक्त करण्यात आला.
हेही वाचा: स्व. राजाराम बापू पाटील यांच्या फोटोची विटंबना; आमदार रोहित पाटील यांची कारवाईची मागणी.
- सांगली जिल्ह्यातील शेतकऱ्यांना रब्बी ज्वारीचे बियाणे १००% मोफत; १८ हजार मिनिकीटचे वाटप, महाडीबीटीवर अर्ज करण्याचे आवाहन
- Ladki Bahin Yojana: लाडक्या बहिणींची दिवाळी गोड होणार! शासनाकडून ३४४ कोटींचा विशेष निधी मंजूर; खात्यात कधी जमा होणार ₹१,५००?
- Gold Rate Today: धनत्रयोदशीपूर्वी सोन्या-चांदीच्या भावात नरमाई; खरेदीपूर्वी पाहा पीएनजीचे आजचे २२K आणि २४K चे ताजे दर (२८ ऑक्टोबर २०२६)
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
