वाळवा : कार्वे (ता. वाळवा) येथून अंगणात खेळताना अचानक बेपत्ता झालेली पाच वर्षांची चिमुकली अखेर कराड परिसरात सुखरूप सापडल्याने कुटुंबियांनी अखेर सुटकेचा निश्वास टाकला. सुरुवातीला बिबट्याने मुलीला उचलून नेल्याचा संशय व्यक्त करण्यात आला होता; मात्र पोलिस तपासात हा अंदाज खोटा ठरला असून, मुलीचे अपहरण झाल्याचा प्रकार असल्याचे स्पष्ट झाले आहे.
आर्यन्सी प्रकाश चव्हाण (वय ५) ही लहान मुलगी रविवारी सायंकाळी आपल्या आजोबांच्या शेतातील घराच्या अंगणात खेळत होती. तिची आई तिला जेवण भरवत होती पाणी आणण्यासाठी आई घरात गेली असता काही क्षणांतच आर्यन्सी अंगणातून गायब झाल्याचे लक्षात आले. परिसरात बिबट्याचा वावर असल्याने कुटुंबियांमध्ये भीतीचे वातावरण निर्माण झाले.
घटनेची माहिती मिळताच वनविभाग, पोलिस, महसूल विभाग आणि रेस्क्यू टीमने तातडीने शोधमोहीम सुरू केली. रात्री उशिरापर्यंत तसेच सोमवारी सकाळीही ड्रोनच्या साहाय्याने परिसरात शोध घेण्यात आला. मात्र, कुठेही बिबट्याचे ठोस पुरावे न आढळल्याने पोलिसांनी तपासाची दिशा बदलली.
त्यानंतर पोलिसांना मिळालेल्या गुप्त माहितीनुसार पोलिसांनी तपासाची दिशा बदलून कराड परिसरात शोध घेऊन आर्यन्सीला सुखरूप ताब्यात घेतले. सध्या ती कुरळप पोलिसांच्या ताब्यात आहे.
या प्रकरणी मुलीचे आजोबा कृष्णात पाटील यांनी अज्ञात व्यक्तीविरोधात फिर्याद दाखल केली असून, नेमके कोण व कोणत्या उद्देशाने मुलीला घेऊन गेले, याचा सखोल तपास सुरू असल्याची माहिती पोलिसांनी दिली आहे.
कुरळप पोलिस ठाण्याचे सहायक पोलिस निरीक्षक विक्रम पाटील यांनी सांगितले की, “मुलगी सुरक्षित आहे. या प्रकरणात अपहरणाचा प्राथमिक संशय असून सर्व शक्यता तपासल्या जात आहेत. तपास पूर्ण झाल्यानंतर वस्तुस्थिती स्पष्ट केली जाईल.”
- Ladki Bahin Yojana: हप्ते बंद झालेल्या महिलांना ₹४०,००० मिळणार? इन्स्टाग्रामवरील ‘त्या’ व्हायरल दाव्याचे सत्य समोर; शासनाने जारी केला सतर्कतेचा इशारा
- Maharashtra Drought Relief: शेतकऱ्यांची दिवाळी गोड! ३०४ तालुक्यांतील दीड कोटी शेतकऱ्यांना प्रत्येकी ५,००० रुपये थेट खात्यात; राज्य सरकारचा ७,५०० कोटींचा निर्णय, GR जारी
- Maharashtra Weather: बंगालच्या उपसागरात ‘अर्णब’ चक्रीवादळाचे थैमान; गडचिरोलीला ऑरेंज अलर्ट, पश्चिम महाराष्ट्रात पाऊस पडणार का?
- ST Employee Salary: एसटी कर्मचाऱ्यांची दिवाळी गोड होणार! शासनाकडून ₹३९१ कोटींचा निधी मंजूर; खात्यात कधी जमा होणार पगार?
- Gold Price Prediction 2036: येत्या दशकात सोन्याचा भाव कुठे पोहोचेल? जुन्या आकडेवारीवर आधारित गणित काय सांगतय, वाचा सविस्तर
- Gold Rate Today: सोन्याच्या दरात मोठी उलथापालथ; खरेदीपूर्वी पाहा सांगली, पुण्यासह PNG चे आजचे दर (२७ ऑक्टोबर २०२६)
