आष्टा : आष्टा-वडगाव रस्त्यावर शनिवारी (दि. 14) पहाटे झालेल्या भीषण अपघातात दोन तरुणांचा जागीच मृत्यू झाला. भरधाव दुचाकी रस्त्यालगतच्या झाडावर आदळल्याने ही दुर्घटना घडली. या घटनेने बागणी परिसरात शोककळा पसरली आहे.
प्रसाद सुनील बामणे (वय 19, रा. बागणी, ता. वाळवा) आणि संदेश मिथुन भंडारे (वय 21, सध्या रा. बागणी, मूळ रा. मालगाव, ता. मिरज) अशी मृतांची नावे आहेत.
दोघेजण पहाटे दुचाकीने बागणीकडून आष्ट्याकडे येत होते. फाळकेवाडी येथील लक्ष्मी मंदिराजवळ चालकाचे नियंत्रण सुटल्याने दुचाकी थेट झाडावर जाऊन धडकली. अपघात निर्जनस्थळी आणि पहाटेच्या सुमारास झाल्याने दोघांना वेळेवर मदत मिळू शकली नाही.
सकाळी या मार्गावरून जाणाऱ्या नागरिकांच्या निदर्शनास ही घटना आल्यानंतर पोलिसांना माहिती देण्यात आली. पोलिसांनी घटनास्थळी पंचनामा करून दोघांना आष्टा ग्रामीण रुग्णालयात हलवले, मात्र वैद्यकीय अधिकाऱ्यांनी त्यांना मृत घोषित केले. डोक्याला गंभीर दुखापत व अतिरक्तस्राव हे मृत्यूचे प्राथमिक कारण असल्याची माहिती समोर आली आहे. या प्रकरणी अपघाताची नोंद करण्यात आली असून आष्टा पोलिसांकडून पुढील तपास सुरू आहे.
हेही वाचा: कवलापूर विमानतळाचा मुहूर्त जवळ? केंद्राची टीम पाहणीला, जिल्ह्यात उत्सुकता वाढली.
- Sangli Civic : मतदार यादीत तुमचं नाव आहे का? मतदान कोणत्या बूथवर करायच — मोबाईलवरून 2 मिनिटांत शोधण्याची सोपी पद्धत
- NEET पेपरफुटीच्या निषेधार्थ ईश्वरपूरात विद्यार्थ्यांचा मोर्चा; दोषींवर कठोर कारवाईची मागणी
- सांगलीचे आमदार सुधीर गाडगीळ यांच्या मोटारीचा अपघात; दुचाकीस्वार जखमी
- कर्जमाफीसाठी मृत शेतकऱ्यांच्या वारसांनी तातडीने KYC पूर्ण करा; सांगली प्रशासनाचे आवाहन
- Sangli Jobs: मोफत ड्रोन पायलट प्रशिक्षणाची संधी; आर्थिकदृष्ट्या दुर्बल युवकांसाठी शासनाचा विशेष उपक्रम
- सांगली-सातारा विधान परिषदेत महायुतीचा दणदणीत विजय; धैर्यशील कदम 301 मतांनी विजयी
