Gopichand Padalkar: “जिल्हा बँकेत चाबूक घेऊन गेलो आहे, आता जाब विचारणार”; आटपाडीतील सत्कार सोहळ्यात आमदार गोपीचंद पडळकरांचा प्रस्थापितांवर हल्लाबोल

Sangli Today Desk
By
Sangli Today Desk
सांगली टुडे डेस्क ही SangliToday.com या डिजिटल न्यूज पोर्टलची अधिकृत संपादकीय टीम आहे. आमच्या टीममध्ये पत्रकारिता आणि डिजिटल मीडिया क्षेत्रातील १० वर्षांहून अधिक अनुभव असलेले संपादक...
- News Desk
जिल्हा बँकेतील कारभारावरून आमदार गोपीचंद पडळकरांचा प्रस्थापितांना इशारा; आटपाडीतील सत्कार सोहळ्यात चाबूक घेऊन जाब विचारणार असल्याचे वक्तव्य (कार्यक्रमातील छायाचित्र)

आटपाडी (सांगली टुडे वृत्तसेवा): “प्रस्थापितांचे डावपेच उधळून लावत मी सांगली जिल्हा मध्यवर्ती सहकारी बँकेत गेलो आहे. ही बँक आता मूठभर पुढाऱ्यांची राहणार नसून सामान्य शेतकऱ्यांची असेल. बँकेतील गैरकारभार आणि शेतकऱ्यांच्या प्रश्नांचा जाब विचारण्यासाठीच मी बँकेत चाबूक घेऊन गेलो आहे,” असा सणसणीत इशारा जतचे आमदार गोपीचंद पडळकर यांनी दिला. सांगली जिल्हा मध्यवर्ती सहकारी बँकेच्या संचालकपदी निवड झाल्याबद्दल आटपाडी तालुक्यातील झरे येथील मारुती मंदिर चौकात आयोजित जाहीर सत्कार सोहळ्यात ते बोलत होते. जिल्हा बँकेच्या निवडणुकीत ८८ पैकी ५४ मते मिळवून २० मतांच्या फरकाने विजय मिळवल्याबद्दल झरे पंचक्रोशीच्या वतीने या कार्यक्रमाचे आयोजन करण्यात आले होते.

२८५ कोटींचे कर्ज आणि बंद कारखान्यांवरून थेट सवाल 

भाषणादरम्यान आमदार पडळकर यांनी जिल्ह्यातील सहकार क्षेत्राच्या सद्यस्थितीवर बोट ठेवत मागील कारभारावर गंभीर आरोप केले. ११ हजार कोटींच्या ठेवी असलेल्या जिल्हा बँकेतील कर्जवाटप, रिकाम्या गोडाऊनवर साखरेच्या नावाखाली घेतलेली कर्जे आणि बनावट सोने तारण प्रकरणे यावर त्यांनी संताप व्यक्त केला. नवीन संचालक मंडळ येण्यापूर्वीच घाईघाईने घेतलेला २८५ कोटींच्या कर्जाचा निर्णय संशयास्पद असून, या सर्व प्रकरणांची चौकशी करून संबंधितांना जाब विचारला जाईल, असे त्यांनी स्पष्ट केले. याचबरोबर आटपाडी, नागेवाडी, तासगाव, कवठेमहांकाळ आणि जत येथील साखर कारखाने तसेच आटपाडी-विट्याच्या सूतगिरण्यांच्या दुरवस्थेला कोण जबाबदार आहे, असा सवालही त्यांनी उपस्थितांसमोर मांडला.

हेही वाचा: सांगली जिल्ह्यातील ६६ गावांना ७० टँकरद्वारे पाणीपुरवठा; जत तालुक्यात सर्वाधिक झळ, १.४३ लाख नागरिक बाधित.

तरुणांसाठी ५० लाखांपर्यंत कर्ज आणि स्वतंत्र जनसंपर्क कार्यालय 

बँकेकडून स्वतःसाठी एक रुपयाचेही कर्ज, भत्ता किंवा चहासुद्धा घेणार नसल्याचे सांगत पडळकर यांनी आगामी कामाची दिशा स्पष्ट केली. राजकीय शिफारस नसलेल्या सामान्य शेतकरी आणि तरुणांच्या हक्कासाठी आपण स्वतःच्या खर्चाने स्वतंत्र जनसंपर्क कार्यालय सुरू करणार असल्याचे त्यांनी जाहीर केले. होतकरू तरुणांना उद्योगासाठी बँकेमार्फत १० ते ५० लाख रुपयांपर्यंत कर्ज उपलब्ध करून देणे, सांगलीत शिक्षणासाठी राहणाऱ्या शेतकऱ्यांच्या मुलांना दरमहा १ हजार रुपये खोलीभाडे देणे आणि बँक कर्मचाऱ्यांच्या पगारात १० ते १५ हजार रुपयांची वाढ करणे, हा आपला मुख्य अजेंडा असेल, असे ते म्हणाले.

हेही वाचा: ज्येष्ठ नागरिकांना दरमहा मिळणार ₹१,५०० पेन्शन! श्रावणबाळ योजनेसाठी काय आहेत पात्रतेच्या अटी? जाणून घ्या सविस्तर.

दरम्यान, मुख्यमंत्री देवेंद्र फडणवीस यांच्या पाठबळामुळे काळेवाडी बुद्ध विहार, कुरुंदवाडी व झरे घाट यांसारखी कोट्यवधींची विकासकामे पूर्ण झाली आहेत. आगामी १५ नोव्हेंबरपासून सुरू होणाऱ्या टेंभू योजनेच्या आवर्तनातील पाण्याचा शेतकऱ्यांनी दुष्काळी परिस्थितीत काटकसरीने वापर करावा, असे आवाहनही त्यांनी यावेळी केले. या सत्कार सोहळ्याप्रसंगी मा. सभापती ब्रह्मानंद पडळकर, भाजप तालुकाध्यक्ष दादासाहेब हुबाले, ज्येष्ठ नेते चवरे, जिल्हा परिषद सदस्य माधवी पडळकर, आटपाडी नगराध्यक्ष यू. टी. जाधव, वैशाली कातुरे, दादासाहेब मोटे, सरपंच अंकुश पाटील हवालदार, महादेव पाटील यांच्यासह प्रमुख पदाधिकारी व ग्रामस्थ मोठ्या संख्येने उपस्थित होते.

हेही वाचा: आता एजंटशिवाय घरबसल्या काढा ड्रायव्हिंग लायसन्स; ‘आपले सरकार’ने जाहीर केले अधिकृत दर आणि कागदपत्रांची यादी.

Share This Article
Follow:
सांगली टुडे डेस्क ही SangliToday.com या डिजिटल न्यूज पोर्टलची अधिकृत संपादकीय टीम आहे. आमच्या टीममध्ये पत्रकारिता आणि डिजिटल मीडिया क्षेत्रातील १० वर्षांहून अधिक अनुभव असलेले संपादक आणि वार्ताहर कार्यरत आहेत. आम्ही सांगली जिल्ह्यातील ताज्या मराठी बातम्या अचूक, पडताळलेल्या आणि जबाबदार पद्धतीने नागरिकांपर्यंत पोहोचवण्यास कटिबद्ध आहोत.Sangli Today वर सांगली, मिरज, तासगाव, वाळवा, जत, खानापूर (विटा), पलूस, शिराळा, कवठेमहांकाळ, कडेगाव आणि आटपाडी या तालुक्यांमधील राजकारण, प्रशासन, गुन्हे, शेती, हवामान, शिक्षण, आरोग्य आणि नागरिक प्रश्नांवरील स्थानिक बातम्या प्रकाशित केल्या जातात.प्रत्येक बातमी अधिकृत स्रोत, स्थानिक प्रशासन आणि प्रत्यक्ष घटनास्थळावरील माहितीनुसार Multi-level Fact-Checking प्रक्रियेतून पडताळूनच प्रकाशित केली जाते. सांगली जिल्ह्यावर केंद्रित Hyper-local reporting करून नागरिकांसाठी महत्त्वाच्या घटनांचे विश्वासार्ह वार्तांकन करणे हेच आमचे प्रमुख ध्येय आहे.Published by Sangli Today Desk – Local News Coverage from Sangli Districtसंपर्क आणि पारदर्शकता: संपादकीय कार्यालय: 3B, MIDC Kupwad Rd, Vidyanagar, Vishrambag, Sangli, Sangli Miraj Kupwad, Maharashtra 416416 ईमेल: hellosanglitoday@gmail.com
चॅनेल फॉलो करा